Na Mwandishi Wetu
TUME ya Nguvu za Atomu Tanzania (TAEC) imesema Tanzania imeendelea kujiandaa kwa matumizi ya teknolojia ya nyuklia katika uzalishaji wa nishati ya umeme, ikiwa ni sehemu ya mikakati ya Serikali ya kuimarisha upatikanaji wa nishati nchini.

Akizungumza wakati wa warsha ya wataalamu kutoka TAEC, Shirika la Umeme Tanzania (TANESCO), Shirika la Maendeleo ya Petroli Tanzania (TPDC) na Wizara ya Nishati iliyofanyika jijini Dar es Salaam, Mkurugenzi wa Teknolojia na Huduma za Kiufundi wa TAEC, Dkt. Remigius Kawala, amesema maandalizi mbalimbali yamefanyika kuwezesha utekelezaji wa mpango huo.

Amesema hatua zilizofikiwa ni pamoja na kufanya tathmini za kiusalama pamoja na kujifunza uzoefu kutoka nchi zinazotumia teknolojia ya nyuklia kuzalisha umeme, ili Tanzania iweze kuzingatia viwango na taratibu zinazohitajika kabla na wakati wa matumizi ya teknolojia hiyo.

Dkt. Kawala amesema Serikali tayari imeweka mikakati ya kuelekea matumizi ya nishati ya nyuklia, huku TAEC ikiwa na jukumu la kuhakikisha mikakati hiyo inatekelezwa kwa kuzingatia usalama na utaalamu unaohitajika.

Amesisitiza kuwa ushirikiano wa wataalamu na taasisi mbalimbali zinazohusika na sekta ya nishati ni muhimu katika kuhakikisha Tanzania inakuwa tayari kutumia teknolojia ya nyuklia kwa usalama na ufanisi katika uzalishaji wa umeme.


Next
This is the most recent post.
Previous
Older Post

Michuzi Blog

Tanzanian blog operating since 2005, covering International news and Local News, including Politics, Fashion, Social Scenes, Interviews, Movies, Events, personalities and anything positive happening worldwide. Written in Swahili and English targeting both Swahili and English readers.

Toa Maoni Yako:

0 comments so far,add yours

Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...