mh. chacha wangwe katutoka

Marehemu Chacha Wangwe

HABARI TOKA DODOMA ZINASEMA MBUNGE WA TARIME KUPITIA CHADEMA MH. CHACHA WANGWE (PICHANI) AMEFARIKI DUNIA KWA AJALI YA GARI ILIYOTOKEA USIKU HUU SHEHEMU ZA KONGWA, MKOANI DODOMA.

KWA MUJIBU WA HABARI HIZO MAREHEMU WANGWE, AMBAYE ALIKUWA AMETOKEA BUNGENI DODOMA AMBAKO ALIHUDHURIA KIKAO CHA ASUBUHI, ALIKUWA NJIANI KUELEKEA DAR KWENYE MAZISHI YA HAYATI MZEE BHOKE MUNANKA AMBAYE AMEFARIKI DUNIA JUMAMOSI HII, AMBAPO LEO ANATARAJIWA KUZIKWA KWENYE MAKABURI YA KINONDONI, DAR.

CHANZO CHA AJALI HAKIJAJULIKANA NA POLISI HUKO KONGWA WAKITHIBITISHA HABARI HIYO IMESEMA MAITI YA MAREHEMU IKO KATIKA DISPENSARI YA KIJIJI CHA KIBAIGWA IKISUBIRI KUPELEKWA HOSPITALI KUU DODOMA KWA HIFADHI NA HUDUMA ZINGINE.

HABARI ZINASEMA MWENYEKITI WA CHADEMA MH. FREEMAN MBOWE LEO ANATARAJIWA KUTOA TAARIFA RASMI YA KIFO HICHO PAMOJA NA MIPANGO YA MAZISHI.

GLOBU HII YA JAMII INATOA MKONO WA POLE KWA WAFIWA KWA NIABA YA WADAU WOTE. ITAENDELEA KUTOA TAARIFA ZA MSIBA HUU MZITO KWA KADRI ZINAVYOINGIA. HIYO NI PAMOJA NA CHANZO CHA AJALI NA ENDAPO KAMA MAREHEMU ALIKUWA NA WATU WENGINE KWENYE HILO GARI, NA HALI ZAO ZIKOJE.

MOLA AIWEKE ROHO YA MAREHEMU MH. CHACHA WANGWE MAHALI PEMA PEPONI

AMINA