JK ziarani iringa

JK akimjulia hali mtoto Desderius Mrongo mwenye umri wa miaka miwili na nusu aliyelazwa katika Hospitali ya Consolata Ikonda,wilayani Makete.Aliyembeba mtoto Desderius ni nyanya yake ambaye alimweleza Rais kuwa mama mzazi wa mtoto huyo amefariki Dunia. JK yupo Mkoani iringa kwa Ziara ya kikazi kukagua na kufungua miradi ya maendeleo

JK akiongea na watoto mapacha walioungana Maria na Consolata wakati alipotembelea Hospitali ya Kanisa Katoliki inayoendeshwa na wamissionari wa Shirika la Consolata iliyopo Ikonda Makete,Mkoa wa Iringa leo.Mapacha hao ambao sasa wana umri wa miaka kumi na moja( 11) hawawezi kutenganishwa kwa upasuaji kutokana sababu za kitaalamu, ni yatima ambao wazazi wao wamefariki kwa ugonjwa wa ukimwi lakini kwa bahati nzuri wao hawakuathirika na wanaendelea vizuri kiafya.Mapacha hao ambao wanahudumiwa na watawa wa Shirika la Consolata hivi sasa wanasoma darasa la tano katika shule ya Msingi Ikonda Makete na hivi sasa wanaishi nyumbani kwa Bi Betina Mbilinyi karibu na shule wanayosoma.

Matroni Katika Hospitali ya Consolata Ikonda, Sr.Egle Casiraghi(kulia) akimweleza JK jinsi wanavyotoa huduma za afya katika hospitali hiyo iliyopo wilaya ya Makete wakati Rais alipoitemebela hospitali hiyo leo.Wakwanza kushoto ni Padre Sandro Nava Mkuu wa hospitali hiyo na Watatu kushoto aliyeshikwa mkono na Rais ni Sr.Magda Boscolo.

JK akiwahutubia wananchi wa Igagala Njombe baada ya Kufungu Soko Jipya

JK akiongea na watoto mapacha walioungana Maria na Consolata wakati alipotembelea Hospitali ya Kanisa Katoliki inayoendeshwa na wamissionari wa Shirika la Consolata iliyopo Ikonda Makete,Mkoa wa Iringa

JK akiangalia mboga aina ya Figiri muda mfupi baada ya kufungua soko La Igagala Njombe

JK akiongea na mfanyabishara wa Nyanya katika Soko la Igagala,Njombe, Bi Grace Shirima baada ya kufungua Soko

JK akiangalia kipande cha Makaa ya mawe wakati alipokagua eneo la mradi wa makaa ya mawe ya Mchuchuma,wilayani Ludewa leo.Pembeni ya Rais ni Mkurugenzi mtendaji wa Shirika la maendelo la Taifa NDC Bwana Gideon Nasari.

JK akifunua jiwe la msingi wakati wa hafla ya kufungua soko la Igagala,Wilayani Njombe

JK akiwahutubia wananchi wa eneo la Kilocha,wilayani Njombe jana baadaya kuzindua ujenzi wa shule ya wasichana ya Anna Makinda

Naibu Waziri wa Nishati na Madini Bwana Adam Malima akimwonesha JK eneo la Mradi wa Umeme wa Ludewa

JK akikagua majengo ya shule ya sekondari ya wasichana ya Anna Makinda katika kijiji cha Kilocha,Ihunda, wilayani Njombe

JK akisalimiana na watoto wa shule ya msingi Kilocha muda mfupi baada ya kuzindua ujenzi wa shule ya wasichana ya Anna Makinda jana. Picha zote zimepigwa na mdau Fred Maro wa Ikulu