libeneke la mgao wa umeme dar

Habari kaka Michuzi,

Leo napenda kugusia kidogo tu juu ya adha na taabu tunayoipata wazawa wa nchi hii juu ya mgao wa umeme.Kama mwananchi wa kawaida na mzawa nasikitishwa na suala zima la mgao wa umeme lakini kwa kuwa inabidi hatuna haja kuvumilia.

 

Kinachonikwaza katika ‘wito huu’ nipale kuonekana kwa dhahiri ‘upendeleo’ au ‘uonevu’ wa baadhi ya maeneo.Tunaelewa mgao umetangazwa kwa masaa yasiyozidi manne (kama sijakosea),ila kuna maeneo tunakatiwa kwa zaidi ya masaa kumi na mbili kwa siku na kila siku.Wakazi wa Mikocheni viwandani,coca cola,avocado na Kawe ni waathirika wa ‘vitendo hivi vya makusudi’.Imagine umeme unakatwa saa nane au tisa usiku na kurudishwa kesho yake saa nne au tano usiku.Maisha yetu yanakuwa mashakani na vitendo vya uharifu,vyakula tulivyojihifadhia kwa vijisenti vyetu vya manati vinaharibika,tunashindwa hata kunyoosha nguo asubuhi,simu hazina charge na karaha kadha wa kadha…!

 

Kwa kweli tunaomba yeyote alie na ukaribu wa wahusika wakuu tanesco (Msasani au HQ) watufikishie ujembe wetu,maana tunaumia sana kwa huduma mbovu na zisizokidhi haja na zenye kutia aibu.

 

Tafadhali usiweke jina wala anuani yangu ila naomba ujumbe wangu uweke hewani,tusaidiane kukomesha baadhi ya adha zinazotusumbua wapiga kura.

 

Natanguliza kwanza shukrani.

Mdau Mikocheni