besdei ya kuzaliwa kwa mkahawa wa soma wikiendi hii

Tamasha la fasihi na

maadhimisho ya mwaka mmoja wa Soma.

Soma Mkahawa wa Vitabu unawakaribisha kujumuika nasi katika tamasha la tatu la fasihi litakalofanyika sambamba na maadhimisho ya mwaka mmoja wa Soma kuanzia leo Ijumaa, Jumamosi hadi Jumapili.

Shughuli na maonyesho mbalimbali yatafanyika ikiwa pamoja na maonyesho ya kazi mbalimbali za usomaji na uandishi wa fasihi, kazi za ubunifu, mijadala ya kirika na masuala ya kijamii, simulizi za hadithi, tambo za kishairi, maonyesho ya vipaji kwa watoto na vijana, filamu fupifupi.

Kutakuwa pia maonyesho lukuki kutoka kwa wasanii na wanafasihi maarufu kama MRISHO MPOTO, VITALIS MAEMBE, ROGERS LUCAS na wengineo wengi watajumuika pamoja na kutumbuiza pamoja na wasanii wachanga katika siku zote hizo tatu za tamasha.

Unakaribishwa kuja na tungo, mashairi na kazi zinginezo za kifasihi na kisanii ambazo ungependa kuzionyesha na/ama kuzijadili pamoja na wadau wa jamii ya usomaji, ubunifu na utamaduni.

Jumamosi tarehe 11 Julai 2009, Saa 4 asubuhi hadi saa 12 jioni
Jumapili tarehe 12 Julai 2009, Saa 9 jioni hadi saa 2 usiku.

“Karibu Soma ujenge maarifa,

ufurahie utamaduni

na uburudike katika mandhari murua”