wamatumbi wapandishwa chati mgodini bulyanhulu

Mbunge wa Msalala ambaye pia ni Naibu Waziri wa Mali Asili na Utalii bwana Ezekiel Maige akimvisha beji ya bendera ya Tanzania Bwana Don Strickland kama ishara ya upendo wa wafanyakazi katika idara aliyokuwa anaongoza na kutoa mafunzo katika mgodi wa Bulyanhulu katika sherehe maalumu hapo jana.

Waheshimiwa Mh.Prof Juma Kapuya,Mh.Jenista Mhagama wakiwasili Bulyanhulu kutokea Dodoma kwa charter maalum
Mgeni rasmi Mh.Prof Juma Kapuya pamoja na Mh.Jenista Mhagama wakikaribishwa na mkurugenzi wa Barrick Tanzania Bw.Deo Mwanyika (mwenye miwani) kwenye mgodi wa Bulyanhulu.


Naibu waziri wa utalii Mh.Maige akimkabidhi Bw.Don Srtickland zawadi ya kikombe chenye ramani ya Tanzania na kumsihi kua Balozi wa taifa hili popote aendapo-Bw.Don amemaliza muda wake mgodini na anajivuni a mafanikio makubwa ikiwemo kuendeleza wazawa kielimu na kuwapa nafasi nyeti

Mr.Don Strickland-Mzungu aliepokea tuzo kwa kuendeleza wazawa kwenye kitengo chake.watanzania zaidi ya 20 kwenye kitengo cha usafishaji dhahabu wameshachukua nafasi zilizokua zimekamatwa na wazungu miaka 2 iliyopita.Nafasi hizo ni nyeti sana migodini na huyu bwana amehakikisha kwa sasa hizo nafasi wamekamata wamatumbi

Sarah Thompson Meneja wa kitengo cha Ugamvi akipokea tuzo kwa kuendeleza watanzania 15 kwenye kitengo chake na kuwapa nafasi za juu kama Superitendent na Foreman.Wadau hizi ni nafasi nyeti sana mgodini na miaka michache iliyopita hakuna mtanzania aliwahi kupewa hio nafasi ila kwa sasa wabongo 15 wamezipata,si jambo dogo

Mr.Don Strickland-Mzungu aliepokea tuzo kwa kuendeleza wazawa kwenye kitengo chake.watanzania zaidi ya 20 kwenye kitengo cha usafishaji dhahabu wameshachukua nafasi zilizokua zimekamatwa na wazungu miaka 2 iliyopita.Nafasi hizo ni nyeti sana migodini na huyu bwana amehakikisha kwa sasa hizo nafasi wamekamata waswahili.

risala ya wafanyakazi

Arthur Mgongo-Mmoja wa watanzania waliosomeshwa na Mgodi na sasa anashika nafasi ambayo hata wazungu wenyewe wanaimezea mate. (Process Plant Superitent) Mambo ya kusafisha dhahabu

Fikiri Charles-Mtanzania mwingine ambae amepelekwa Australia kusoma na kurudi kua FOREMAN.

Picha na Habari

na

MediaWorks International

MGODI wa dhahabu wa Bulyanhulu (Bulyanhulu Gold Mine Limited-BGML) ulioko wilayani Kahama, Shinyanga umezindua mpango kabambe wa kuwawezesha wazalendo kuchukua nafasi za kazi zinazoshikiliwa na wataalam wa kigeni kwa kupatiwa mafunzo na uzoefu ndani na nje ya nchi.

Akizundua mpango huo mgodini hapo jana, Waziri wa Kazi Prof. Juma Kapuya alisema amefurahishwa sana na utaratibu huo na kuzitaka taasisi zinazosimamia masuala ya ajira kuangalia na maeneo mengine mengi hapa nchini kama wanaweza kuuiga ili kujenga uwezo kwa wazalendo na kupuguza utegemezi wa wataalamu wa kigeni bila kuathiri ufanisi wa kazi.

Chini ya mpango huo wa Bulyanhulu, mgodi umejiwekea malengo ya kupunguza wataalamu wa kigeni kwa awamu kutoka 184 waliopo sasa na kufikia 17 ifikapo 2015. Na ili kutekeleza lengo hilo kampuni inalazimika kutumia dola 4.5m kila mwaka kwa mafunzo ya ndani na nje ikiwemo na kuwapeleka wanaoteuliwa kufanya kazi maeneo mengine katika nchi mbalimbali duniani.

Mpaka sasa ni jumla ya wafanyakazi kuanzia 2005, jumla ya wafanyakazi 150 wameshakwenda kusoma na kufanyakazi kwa mafunzo katika nchi za Afrika ya Kusini, Australia, USA, Canada, Ujerumani, Papua New Guinea,Swaziland na Kenya.

Waziri Kapuya ambaye aliambatana na Naibu Waziri wa Mali Asili na utalii ambaye pia mbunge wa Msalala ambako ndipo ilipo BGML Mh. Ezekiel Maige, aliwataka wafanyakazi wote watakaoachiwa nyadhifa na wataalamu wa kigeni kuwa wawe mfano kwa wengine na pia waadhihirishie wawekezaji kuwa fedha zao zinazotumika katika kuwafunza hazipotei bure kwa kufanya kazi kwa bidii na uadilifu mkubwa.

Alibainisha kuwa moja ya sababu kubwa za makampuni ya nje kutowaaamini wazawa wengi ni kutokuwa waadilifu na utendaji hafifu wa kazi.

Pia aliwaasa wafanyakazi wengine wazalendo kuwapa ushirikiano wananchi wenzao wanaokabidhiwa madaraka kwa kufanya kazi vizuri na kuacha uvivu kwa kuona tuu anaongozwa na Mtanzania mwenzake badala ya mtaalamu wa kigeni. Aliowaonya kuacha kasumba hiyo iliyopitwa na wakati.