SHUKRANI NA MWALIKO WA AROBAINI

MAREHEMU ALLY ATHMANI ARABA

FAMILIA YA MAREHEMU ALLY ATHMANI ARABA TUNATOA SHUKRANI ZETU ZA DHATI KWA WATU WOTE WALIOSHIRIKIANA NASI KWA HALI NA MALI KATIKA MSIBA WA MPENDWA WETU ALIYEFARIKI DUNIA TAREHE 10 MACHI, 2010 NYUMBANI KWAKE TANGI BOVU, MBEZI BEACH, DAR ES SALAAM NA KUZIKWA TAREHE 12 MACHI 2010 NYUMBANI KWAKE MAKANYA, WILAYANI SAME, MKOA WA KILIMANJARO.

SI RAHISI KUTAJA MAJINA YA WOTE WALIOTUFARIJI NA WANAOENDELEA KUTUFARIJI KATIKA KIPINDI HIKI KIGUMU CHA MSIBA WA MPENDWA WETU. SHUKRANI ZA KIPEKEE ZIWAENDEE WAFANYAKAZI WOTE WA OFISI YA TAIFA YA TAKWIMU BARA NA VISIWANI, CHUO CHA TAKWIMU, PROF. SHAABAN MLACHA, PAROKO MLELWA, FAMILIA YA MH. MAHIZA, MR & MRS. MURO, FAMILIA YA TWAHA LEMA, MAJIRANI WOTE, WAKAZI WOTE WA MAKANYA, PAMOJA NA WATU WOTE WALIOFANYA KAZI NA MAREHEMU NDANI NA NJE YA NCHI.

FAMILIA TUNASHUKURU KWA UPENDO NA UKARIMU WENU MLIOTUONYESHA KATIKA KIPINDI CHOTE CHA MSIBA WA MPENDWA WETU NA MWENYEZI MUNGU ATAWALIPA YALIYO MEMA.

PIA TUNAPENDA KUCHUKUA FURSA HII KUWAKARIBISHA WATU WOTE KATIKA AROBAINI YA MPENDWA WETU ITAKAYOFANYIKA SIKU YA JUMAMOSI TAREHE 17 APRILI 2010 MAJIRA YA SAA SABA MCHANA NYUMBANI KWAKE TANGI BOVU, MBEZI BEACH, DAR ES SALAAM.

MWENYEZI MUNGU AILAZE ROHO YA MAREHEMU

MAHALI PEMA PEPONI, AMEEN.

INNA ILLAHI WA INNA ILAYHI RAJI’UN