Wagombea katika majimbo zaidi 100 kukutanishwa ana kwa ana na wananchi katika Mdahalo

Mratibu wa Jumuiko la Asasi za Kiraia Deus Kibabamba (katikati) akitoa tamko la uzinduzi wa mdahalo kwa wagombea uongozi wa nyadhifa mbalimbali katika Uchaguzi Mkuu ujao kwa lengo la kutoa fursa kwa wananchi kuwahoji wagombea hao juu ya ahadi mbalimbali wanazozitoa watazitekelezaje badala ya kubaki kama wasikiliza wa hotuba za wagombea. Kulia ni Mjumbe wa Jumuiko hilo kutoka SHIVYAWATA Maria Chale na kushoto ni Mjumbe wa Jumuiko hilo Japhet Makongoro.


Na Tiganya Vincent, Dar es salaam

Jumuiko la Asasi za Kiraia limezindua mdahalo wa kuwakutanisha wagombea nafasi Uwakilishi, Ubunge na Urais hapa nchini ili kutoa fursa kwa wananchi kuwahojia juu ya ahadi mbalimbali wanazotia katika mikutano ya kampeni inayoendelea watazitekelezaje.

Kauli hiyo imetolewa leo jijini Dar es salaam na Mratibu wa Jumuiko hilo Deus Kibamba wakati akisoma tamko la uzinduzi wa mdahalo huo kwa waandishi wa habari katika Ukumbi wa Idara ya Habari(MAELEZO)

Alisema kuwa kampeni zinazoendelea hivi sasa wagombea wa vyama vyote vinavyowania nafasi ya kushika Dola wamekuwa wakihutibia tu bila kuwapa fursa wananchi ambao ndio wapiga kura fursa kuhojia au kuulizia juu ya ahadi ambazo wazitoa watazitekeleza endapo wataingia madarakani au kwani nini wanashindwa kuzitekeleza katika kipindi cha nyuma.

Kibamba alisema kuwa hatutaki wananchi wawe watu wa kupokea tu kila kinachoelezwa na mgombea na kuishia kupiga makofi bali pia washiriki katika kampeni kwa kuwahoji wagombea mbalimbali wa nafasi za Ubunge na uwakilishi.

Alisema kuwa kufuatia udhaifu katika undeshaji wa kampeni na ushirikishaji wananchi duni katika Kampeni Jumuiko la Asasi za Kiraia limeamua kuandaa mdahalo kwa ajili ya kuwapa fursa wagombea kunadi sera zao na kisha kuulizwa moja kwa moja na wananchi ana kwa ana au kutumia simu na baraua pepe.

Kibamba alitoa wito kwa wagombea wote kushiriki ili wapate fursa bure ya kueleza sera zao kupitia Redio na Televisheni kwa ajili ya kuwashiwishi wapiga kura ili wawape ridhaa ya kuongoza majimbo katika kipindi cha miaka mitano ijayo.

Alisema kuwa mdahalo ulioandaliwa na Jumuiko la Asasi za Kiraia utaendesheshwa katika majimbo zaidi ya mia moja na utakuwa sawa kwa wagombea toka vyama vyote vyenye wagombea katika majimbo.

Mdahalo huo utaanza kuonyeshwa moja kwa moja kutoka mkoani Ruvuma siku chache zijazo.