BENKI YA STANBIC YATOA MSAADA KWA OLIMPIKI MAALUM

Bwana Adhallah SinganomMkuu wa masoko na mawasiliano benki ya Stanbic akijaribu uwezo wake wa kufukuza upepo na wanariadha wetu wa Special Olympics 

Bwana Adhallah SinganomMkuu wa masoko na mawasiliano benki ya Stanbic akikabidhi hundi ya milioni tatu kwa timu ya tanzania ya watoto wenye ulemavu wa ubongo ambao watahudhuria michezo ya ulimwengu nchini ya Ugriki mwezi huu.

Kikosi chetu cha Special Olympics

Bwana Adhallah Singanom Mkuu wa masoko na mawasiliano benki ya Stanbic akikabidhi hundi ya milioni tatu kwa Emmanuel Mwakylen Kapteni wa timu ya watoto wenye ulemavu wa ubongo na Dk. J.M Mwanakemwa mwenyekiti  wa Olympici Maluum (Special Olympics) Tanzania. Timu ywa watoto watahudhuria michezo ya ulimwengu nchi ya Ugriki mwezi huu.

Benki ya Stanbic Tanzania leo imetoa msaada wa Sh milioni 3 ili kuwezesha timu ya Tanzania kushiriki katika michezo ya olimpiki maalum (Special Olympics) huko Athens Ugiriki mwaka huu.

Akizungumza wakati wa makabidhiano ya fedha hizo yaliyofanyika katika ofisi za Special Olympics Tanzania jijini Dar es Salaam, Mkuu wa Kitengo cha Masoko Stanbic Abdallah Singano alisema fedha hizo ni sehemu ya misaada ya jamii ya benki hiyo.

“Benki yetu inafurahishwa kuweza kuunga mkono chama hiki cha Olympiki maalum, tunawapa pongezi kwa juhudi zao zinazowezesha timu ya Tanzania kushiriki michezo hii kila wakati. Vile vile tunafurahia zaidi kuweza kuwasaidia wanamichezo hawa maalum na tunawatakia heri na mafanikio katika mashindano hayo,” aliongeza Singano.

Michezo ya olimpiki maalum huko Athens itafanyika kuanzia tarehe 25 Juni hadi Julai 4 na inategemewa kuleta wanamichezo zaidi ya 7,000, kutoka nchi 185 duniani kote, makocha 3,000, wasaidizi wa kujitolea zaidi ya 25,000, maelfu ya familia na watazamaji kuwashangilia wanamichezo hawa.

Akipokea msaada huo kwa niaba ya chama hicho cha Olimpiki Mkurugenzi wa Taifa Frank Chacha alitoa shukurani zake kwa benki ya Stanbic kwa msaada huo utakaowezesha timu hiyo kushiriki katika michezo hiyo hivi karibuni.

“Tanzania ni katika nchi 200 ambazo zinashiriki katika programu hii inayotoa mafunzo mwaka mzima kwa washiriki mbali mbali watoto na watu wazima ambao wana ulemavu wa akili. Tunatuma timu ya wachezaji 11 na maafisa wane. Hii ni mara ya saba kwa Tanzania kushiriki katika michezo hii yenye nia ya kuboresha afya, kufurahi na kushirikiana katika vipaji na zawadi mbali mbali kwa wana michezo hawa maalum,” alielezea Chacha.

 Special Olympics ni shirika la kimataifa ilinalohudumia zaidi ya wanamichezo wenye mahitaji maalum milioni 3.4 na pia inafanya kazi na maelfu ya wafanyakazi wa kujitolea na makocha kila mwaka. Toka kuanzishwa kwa olimpiki hizi maalum mwaka 1968 watu ambao wamejiunga na shirika hili wenye ulemavu wa ubongo na wasio na ulemavui ni wengi sana na wanaongezeka kila mwaka.

Benki ya Stanbic Tanzania inaamini katika kujihusisha katika biashara yake na pia katika kusapoti jamii katika program mbali mbali zinazoleta maendeleo. Benki hii ina msimamo sio katika kukuza uchumi tu bali katika kuimarisha taasisi za kiraia na jamii kwa ujumla.