Nguzo 22 zaanguka kwa upepo mkali kipawa jijini Dar leo

 Shirika la Umeme Tanzania Tanesco limepatwa na tatizo la kuanguka kwa nguzo 22 za umeme eneo la Kipawa – uwanja wa ndege jijini  DSM kulikosababishwa na upepo mkali uliovuma kutoka eneo linalojengwa uwanja wa ndege wa Mwl, J.K.  Nyerere.

Tatizo hilo la dharura litasababisha baadhi ya maeneo yote ya kipawa – Tandika na maeneo ya Temeke kukosa umeme wakati mafundi wa TANESCO  wakifanya kazi usiku kucha.

Njia hiyo ya msongo wa kilovolti 33 unatarajiwa kurudishwa kwenye hali ya kawaida mapema iwezekanavyo.

Shirika linawaomba wateja wake wote kuwa watulivu wakati mafundi wanahangaika na linatoa tahadhari kwa mtu yeyote kutogusa waya uliodondoka chini.

Uongozi wa Shirika uanaomba radhi kwa usumbufu wowote utakaojitokeza kwa raia na wateja wake kwa ujumla.

Wakazi wa Jiji  wakiangalia daladala namba T 195 BRV, lililopata ajali ya kuangukiwa na nguzo ya umeme maeneo ya Kipawa, Barabara ya Nyerere, Dar es Salaam leo. Katika ajali hiyo iliyohusisha daladala zingine mbili namba  T 808 AEZ na T 403 BSH,  watu wanne walijeruhiwa na nguzo 22 zilianguka kuanzia JET hadi Uwanja wa Ndege wa Kimataifa wa Julius Nyerere, kutokana na  upepo mkali

                                           Daladala zikiwa zimezingirwa na nya za umeme