NEWS ALERT: ASKARI BANDIA WA JWTZ ANASWA NA POLISI MORO, ABAINIKA NI MFANYABIASHARA WA NGUO ZA MITUMBA.

Na John Nditi, Morogoro 

 POLISI mkoani Morogoro inamshikilia Kijana Deodatus Simba (26) mkazi wa Dar es Salaam kwa tuhuma za kupatikana akiwa amevaa  sare za Jeshi la Wananchi wa Tanzania (JWTZ) kinyume na sheria akiwa si askari wa Jeshi hilo. 

 Kamada wa Polisi wa mkoa wa Morogoro, Ulrich Matei, alisema leo ( Julai 15) mjini Morogoro ya kwamba Julai 13, mwaka huu majira ya saa 10 jioni maeneo ya standi ya Msamvu , Manispaa ya Morogoro, 

Mtuhumiwa alikamatwa akiwa amevalia sare za Jeshi la Wananchi wa Tanzania (JWTZ). Kwa mujibu wa Kamanda wa Polisi wa mkoa kuwa, mtuhumiwa huyo alikuwa katika harakati za kutafuta usafiri wa kuelekea mkoani Dodoma . 

 Alisema ,baada ya kukamatwa na kuhojiwa uchunguzi wa awali umeonesha kuwa mtu huyo hakuwa askari wa JWTZ , hivyo atafikishwa mahakamani mara baada ya uchunguzi kukamilika. 

 Aidha , alipohojiwa na waandishi wa habari ofisini kwa Kamanda wa Polisi wa mkoa kuhusu kazi yake halisi , alidai kuwa yenye ni mfanyabiashara wa kuunza nguo za mitumba . 

 Deodatus Simba (26) mkazi wa Dar es Salaam, ambaye ni mfanyabiashara wa mitumba aliyekamatwa   Julai 13 mwaka huu eneo la stendi ya Msamvu , katika Manispaa ya Morogoro akiwa amevalia sare za Jeshi la Wananchi wa Tanzania (JWTZ) wakati akiwa katika harakati za kutafuta usafiri wa kuelekea mkoani Dodoma

 Kamanda wa Polisi wa mkoa wa Morogoro, Ulrich Matei ( kulia) akimuonesha kwa wanahabari  Deodatus Simba (26) mkazi wa Dar es Salaam, ambaye ni mfanyabiashara wa mitumba aliyekamatwa   Julai 13 mwaka huu eneo la stendi ya Msamvu , katika Manispaa ya Morogoro akiwa amevalia sare za Jeshi la Wananchi wa Tanzania (JWTZ) wakati akiwa katika harakati za kutafuta usafiri wa kuelekea mkoani Dodoma

 Kamanda wa Polisi wa mkoa wa Morogoro, Ulrich Matei ( kulia),akiwaelezea waandishi wa habari (hawapo pichani),kuhusu mtuhumiwa  Deodatus Simba (26) mkazi wa Dar es Salaam, ambaye ni mfanyabiashara wa mitumba aliyekamatwa   Julai 13 mwaka huu eneo la stendi ya Msamvu , katika Manispaa ya Morogoro akiwa amevalia sare za Jeshi la Wananchi wa Tanzania (JWTZ) wakati akiwa katika harakati za kutafuta usafiri wa kuelekea mkoani Dodoma.

Kamanda wa Polisi wa mkoa wa Morogoro, Ulrich Matei ,julai 15, mwaka huu  akionesha  kwa waandishi wa habari ( hawapo pichani) moja ya kiroba ilichohifadhiwa dawa zinazodhaniwa ni za kulevya aina ya Heroine kete 16 na vitu vingine kutoka kwa watuhumiwa wanne waliokamatwa  Julai 14, mwaka huu  eneo la Chamwino, Manispaa ya Morogoro.