KUTINYU AMFUATA KOCHA VAN DER PLUIJM AZAM FC

Na Agness Francis, Globu ya Jamii

KLABU Bingwa Afrika Mashariki na Kati  Azam FC imetangaza rasmi kuwa imemsajili  kiungo Tafadzwa Kutinyu mkataba wa mwaka mmoja.

Kiungo huyo atachezea kikosi cha  Azam FC ambacho maskani yake iko Chamazi jijini Dar es Salaam. Mchezaji huyo amekuwa na msimu mzuri tokea ajiunge na Singinda United msimu huu ambaye alitokea katika klabu ya Chicken Inn ya nchini kwao Zimbabwe.

Akizungumza leo jijini Dar es Salaam Msemaji wa Azam FC Jaffary Iddy amesema mchezaji huyo ambaye mkataba wake uko wazi ni mapendekezo ya mwalimu Hans  Van Der Pluijm raia wa Ubolanzi.

"Tunaamini mwalimu anamfahamu vizuri  ndio maana amemuhitaji.Pia tutaangalia maandeleo yake mchezaji huyo anaisaidiaje timu,akiwa anafanya vizuri basi tutamuongezea mkataba mnono zaidi" amesema na kuongeza kuwa Kutinyu atavaa rasmi uzi wa Azam katika mashindano ya CECAFA ambayo timu hiyo ndiye mtetezi wa Kombe hilo.

"Tutarejea tena kuutetea ubingwa wetu baada ya mashindano  hayo kusimama kwa muda wa miaka 3 bila kufanyika"amesema Jaffary.