WANANCHI KIJIJI CHA MIPEKO WAISHUKURU SERIKALI UJENZI WA KIVUKO MTO MZINGA

Na Agness Francis,Globu ya Jamii

WAKAZI wa kijiji cha Mipeko katika Halmashauri ya Mkuranga mkoani Pwani  wameishukuru Serikali kuanza ujenzi wa vivuko katika mto Mzinga.

Akizungumza leo, Mkazi wa Kijiji cha Mipeko Fidelis Augustino ameishukuru Serikali kuwakumbuka kwa kuweka njia mbadala ili  kuwaondosha katika  janga hilo ambalo wananchi wanapata shida katika suala zima la uvukaji.

"Nina miaka zaidi ya miaka10 tangu nihamie huku, maji yamekuwa yakitusumbua kwa muda mrefu na  tulishindwa kupata ufumbuzi wa changamoto hii,"amesema.

Ujenzi huo una thamani ya Sh.bilioni 1.5 na tayari umeanza  kutekelezwa kujengwa kwa madaraja 3 katika vijiji vya  Kifaurongo, Mipeko na Tambani.

 Mkazi wa Kijiji cha Mipeko,Fidelis Augustino akizungumza na Globu ya jamii  kuwaomba wananchi wa kijiji hicho kuitunza miundo mboni ya madaraja yanayo njengwa.(Picha na Emmanuel Massaka,Globu ya jamii)

 Wananichi wa kijiji cha Kifaurongo wakivuka mto Mzinga kwa kutumia kivuko kinachovutwa  na vijana wanaojipatia kipato kwa kutoza shilingi mia 500/= kwa kila mtu mmoja, ambapo wanafunzi huwavusha kwa Shilingi mia 200/=.

Wananichi wa Kijiji  Mipeko wakivuka mto Mzinga sememu ambayo ujenzi wa Daraja umeaza.