MWANADADA SARAH ZACHARIA ATWAA TAJI LA MISS KITESHE 2020

 NA VICTOR MASANGU, KIBAHA

MWANADADA Sarah Zacharia (23) mkazi wa kwa

Mathiasi Wilayani Kibaha Mkoa wa Pwani ameibuka kidedea baada ya

kulitwaa taji la kumsaka  miss Kiteshe 2020 huku nafasi ya mshindi wa

pili ikienda kwa Zadia Ally (19) na nafasi ya tatu

ikinyakuliwa na Zenat Rajab.

Kutokana na ushindi huo washindi hao watatu wamepata zawadi mbali

mbali kutoka kwa uongozi wa kiteshe pub sambamba na kuchaguliwa rasmi

kuwa mabalozi ambao watakuwa na jukumu la kutangaza mbuga ya

Nyerere National park iliyopo Wilayani Rufiji pamoja na vivutio mbali

mbali vinavyopatakanika katika eneo hilo.

Katika kinyan’ganyiro cha shindano hilo ambalo lilifanyika mwishoni

mwa wiki liliandaliwa kwa dhumuni la kuwasaka walimbwende

watatu ambao watakuwa na jukumu kubwa la kushirikiana na wadau wengine

pamoja na Serikali katika kuleta mabadiliko ya kutangaza utalii wa

ndani  unaopatikana katika baadhi ya maeneo katika Mkoa wa Pwani.

Pia katika shindano hilo warembo hao waliweza kuulizwa maswali mbali

mbali na majaji yanayohusiana na masuala mbali mbali ya utalii pamoja

na mambo mengine ya kijamii ili kuweza kuona upeo wao katika sekta ya

utalii.

Kwa upande wake Miss Kiteshe Sarah Zacharia ambaye ametwaa taji hilo

amesema kwamba baada ya kuunyakua ushindi huo lengo lake kubwa ni

kuhakikisha anajipanga vilivyo katika kuleta mabadiliko katika

kutangaza utalii wa ndani ikiwemo pamoja na kutoa fursa  kwa jamii kwa

kuwaelimisha umuhimu wa kutembelea mbuga mbali mbali za wanyama

ikiwemo ya Nyerere National Park.

“Kwanza kabisa napenda kumshukuru Mwenyezi Mungu kwa kuweza

kunifikisha hapa mpaka nimeweza kuchaguliwa kuwa miss kiteshe kwa

mwaka huu wa 2020 lakini ndoto yangu kubwa ambayo ninayo ni

 kufika mbali zaidi ya hapa katika kutangaza mambo mbalimbali ya utalii wa ndani ukizingatia tuna mbuga nyingi ikiwemo ile ya

Nyerere National Park,”amesema Sarah.

Pi ametoa wito kwa washiriki wenzake ambao hawakuweza kupata nafasi ya

kuibuka kuwa washindi kutokata tamaa na badala yake wahakikishe

wanaendeleza vipaji vyao na fani ya kutangaza utalii wa ndani kupitia

fani ya ulimbwende pamoja na kushirikiana vilivyo na wadau wengine ili

kutimiza malengo waliyojiwekea.