WANANCHI NENDENI KWA WENYEVITI WA VIJIJI, MKITAKA KUCHOMA MOTO MASHAMBA YENU - TFS

  

Na Bakari Madjeshi, Michuzi TV

WAKALA wa Huduma za Misitu nchini (TFS) umetoa wito kwa Wananchi wa maeneo mbalimbali hususan maeneo ya Hifadhi za Misitu kuhakikisha wanaonana na Wenyeviti wa Vijiji pindi wanapotaka kuchoma moto mashamba yao kwa lengo la kuandaa mashamba hayo.

Hayo yemeelezwa na Meneja Mawasiliano wa Wakala wa Huduma za Misitu nchini (TFS), Martha Chassama wakati akizungumza na waandishi wa habari jijini Dar es Salaam.

Chassama amesema kuwa miezi ya Oktoba, Novemba na Desemba ni kipindi ambacho wananchi  wanaandaa mashamba yao hivyo basi kuna kila sababu ya kupata elimu juu ya uandaaji wa mashamba ili kuzuia uchomaji misitu kiholela na kusababisha majanga ya moto katika Hifadhi za Misitu na kuharibu uoto asili.

"Wengi hawana elimu ya majanga ya moto, sisi kama TFS kwa kushirikiana na Wenyeviti wa Vijiji tutasaidia kutoa elimu na kuhakikisha elimu hiyo inawafikia Wananchi hao pindi wanapotaka kuandaa mashamba yao."amesema Chassama.

Pia Chassama ametoa wito kwa wananchi  kuhakikisha pindi wanapochoma moto mashamba hayo wasikubali kuachia moto huo kutoroka kuelekea sehemu mbalimbali na kuleta madhara kwa kuharibu Hifadhi za Misitu.