LAZIMA TUKUSANYE MAPATO VYEMA ILI TUFIKIE MALENGO - DC KARATU

Na Woinde Shizza,  Michuzi Tv-Arusha

MKUU wa wilaya ya Karatu,  Abbas Kayanda amesema kuwa ni lazima

halmashauri ya Karatu  ikusanye mapato vizuri ili iweze kutekeleza

shughuli zake za miradi maendeleo,  na kueleza kuwa,  jukumu la madiwani ni kusimamia ukusanyaji wa mapato katika kata zao ili kuweza kufikia malengo ya waliojiwekea ya kukusanya kiasi cha billion nne na million mia tano

kwa mwaka huu wa fedha

Abbas Kayanda alisema hayo wakati akihutubia katika kikao cha kwanza

cha  baraza la madiwani ambapo alisema vyanzo vya mapato vilivyoainishwa kwenye bajeti visimamiwe vizuri, ili vitoe mapato yaliyokusudiwa.

Alisema wanahitaji madawa, wanahitaji kujenga zahanati, wanahitaji

kujenga madarasa wanahitaji kujenga nyumba za walimu, wanahitaji

kujenga lami Karatu na  vyote hivyo vinategemea namna watakavyokusanya

mapato.

Kayanda alisema kuna umuhimu wa wananchi kudai risiti za  za EFD pindi

wanaponunua bidha madukani ili kuongezea ukusanyaji mapato serikalini

na kuaendelee kufikiria  vyanzo vingine vya mapato ambavyo havijaguswa

katika maeneo   lazima washirikiane ili waweze kufikia malengo

waliojiwekea.

Akizungumzia kuhusu elimu  Kayanda alisema kuna fedha nyingi

zinazokusanywa kwa miradi mbalimbali ya elimu, hivyo wazo la kuunda

mfuko wa elimu litamsaidia kumpunguzia mwanachi, mzigo wa kuchangia

mara kwa mara ujenzi wa miundo mbinu ya elimu.

Alibainisha kuna kazi kubwa ya kufanya kuinua kiwango cha ufaulu kwa

elimu ya msingi, wakiimarisha mfuko wa elimu itatusaidia kuwapa

motisha walimu wanaofanya vizuri, katika shule za sekondari bado ufaulu hauko vizuri, na kuwataka kuwa na umoja wa namna ya kuondoa ufaulu wa daraja sifuri na daraja la nne,

 Kayanda alisema katika sekta ya afya kumekuwa na mwitikio wa chini

kwa wananchi kujiunga na mifuko ya bima ya afya ya jamii, hivyo

watawaelimisha wananchi juu ya umuhimu wa kujiunga katika mfuko wa

afya ya jamii iliyoboreshwa   wananchi wakijitokeza kujiunga na bima

ya afya vituo vyetu vya afya na zahanati vitaongeza upatikanaji  wa

madawa na vifaa tiba.

Aidha alisema bado kuna changamoto ya wakinamama kwenda kujifungua

katika vituo vya kutoa huduma za afya, lazima wakinamama wahamasishwe

kwenda kujifungua katika vituo vya huduma za afya,Vituo vya afya

visivyo katika mfumo wa ukusanyaji wa mapato kieletronic vinatakiwa

viwe na mfumo wa ukusanyaji wa mapato ili kuondoa upotevu wa

ukusaanyaji wa mapato.

Akizungumzia kuhusu ustawi wa jamii Kayanda alisema, halimashauri ya

Karatu ilitambua wazee 7776 kati ya wazee hao waliobahatika kupata

vitambulisho vya matibabu bure ni 3037, alibainisha kuwa ni  lazima

tujipime katika kipindi cha miaka mitano, tutaifanyia nini jamii yetu.

Naye  Mwenyekiti wa Halmashauri  John Lucian Mahu alisema baada ya

baraza kujigeuza kamati imepitisha wazo la kuanzisha mfuko wa elimu wa

wilaya ya Karatu,  wazo limekuja kwa sababu wamekuwa wakisuasua sana

katika kuinua kiwango cha ufaulu, wazo hilo limeafikiwa lipelekwe

kwenye  kamati maalumu itakayoundwa na Mkurugenzi ambayo itasaidia

kuchakata na kupeleka maoni katika kamati tendaji ya Halmashauri (CMT)

ili ije na mapendekezo ya namna ya kutekeleza wazo la mfuko wa elimu

wa jimbo.

 Alisema baaada ya kujadiliwa mawazo hayo yatapelekwa katika kamati ya

 fedha na baada ya hapo itapelekwa kwenye baraza na tutaanzisha mfuko

wa elimu wa wilaya ya Karatu,wazo jingine lilojadiliwa na baraza

lilojigeuza kama kamati imeridhia kuhamisha mnada wa Karatu kwenda nje

ya mji wa Karatu ,ambapo kwa upande wa juu wa eneo la mnaada itajengwa

stand ya kisasa ya mabasi makubwa  na eneo la upande wa chini

utajengwa uwanja wa mpira wa kisasa na viwanja vingine vya michezo na

upande mwingine wa eneo hilo watajenga ukumbi wa kisasa wa mikutano wa

Halmashauri.

 Aidha alisema kuwa  kamati pia imeridhia kujengwa kwa hosteli za

wasichana na hosteli za wavulana kama sehemu mojawapo ya kubuni vyanzo

vipya vya mapato katika eneo hilo la uwanja wa mnadani, zoezi la

kuhamisha eneo la mnada litafanyika taratibu na mnada utapelekwa

katika eneo jingine nje ya mji, Stenndi ya sasa ya mabasi itatafutiwa

kazi nyingine kadri itakavyoonekana inafaa

Mahu alisema lazima tushirikiane kwa pamoja wataalamu na watendaji ili

tuwafute machozi wananchi,  kusimamia mapato sio kazi ya mkurugenzi ni

kazi ya wote ili tuweze kupunguza madeni wanayodaiwa kama Halmashauri

Kwa upande wake Mkurugenzi Mtendaji wa Halmashauri  Waziri Mourice

alisema utaratibu mzuri utawekwa kwa ajili ya kuunda mfuko wa elimu wa

jimbo,mfuko wajimbo hautagusa wazee wenye umri wa miaka 60 na

kuendelea ,mfuko utakusanya michango kwa wananchi wenye umri wa miaka

18 -59,pia elimu imeboreshwa na hivyo wanatarajia ongezeko kubwa la

wanafunzi.

Akizungumzia kuhusu afya alisema kila kata inatakiwa iwe na kituo cha

afya na kila kijiji kinatakiwa kiwe na zahanati lakini hawana zahanati

kila kijiji ambapo wana kata 14 ambazo kila kata inatakiwa kuwa na

kituo cha afya lakini kwa sasa serikali inavituo 5 vya afya, hali hiyo

inasababisha vituo vya afya kuzidiwa kutokana na wingi wa watu

kutokana na ubora wa huduma na bei nafuu zinazotolewa katika vituo vya

afya vya serikali