Dkt.Ngailo: Mwitikio wa wananchi ni mkubwa kuhusiana na mbolea ya Ruzuku

Mkurugenzi Mtendaji wa Mamlaka ya Udhibiti wa Mbolea Tanzania (TFRA) Dk.Stephan Ngailo akiwahudumia wananchi waliotembelea banda la TFRA kwenye Maonesho ya Kilimo Kitaifa Nane Nane yanayoendelea katika viwanja vya John Mwakangale Jijini Mbeya.

Kaimu Meneja wa Mawasiliano na Uhusiano wa Mamlaka ya Udhibiti wa Mbolea Tanzania (TFRA) Matlida Kassanga akiwahudumia wananchi waliotembelea banda la TFRA kwenye Maonesho ya Kilimo Kitaifa Nane Nane yanayoendelea katika viwanja vya John Mwakangale Jijini Mbeya.

Na Chalila Kibuda, Michuzi TV Mbeya

MKURUGENZI Mtendaji wa Mamlaka ya Udhibiti wa Mbolea Tanzania (TFRA)Dkt. Stephan Ngailo amesema kuwa wananchi wamekuwa na mwitikio katika kujua hali ya mbolea nchini utakapoaza Msimu wa Kilimo kwa mwaka 2022/2023.

Dkt.Ngailo ameyasema hayo katika Maonesho ya Kilimo Kitaifa Nane Nane yanayoendelea katika viwanja vya John Mwakangale , Jijini Mbeya.

Amesema wananchi katika kanda za nyanda za Juu Kusini wenye mikoa saba ambayo Ruvuma , Iringa, Njombe , Mbeya, Songwe, Rukwa pamoja na Katavi wananchi wamefunga safari kupata taarifa za mbolea.

Dkt.Ngailo amesema kuwa mwitikio huo mzuri kwani kama wadhibiti mbolea ni wajibu kutoa majawabu ya kuwatoa hofu juu ya suala la mbolea.

Amesema kuwa moja ya swali linaloulizwa ni suala la mbolea ya Ruzuku ambapo kazi yao ni kuendelea kutoa utaratibu utaotumika katika kupata mbolea kwa bei nafuu kutokana na Serikali ya awamu ya sita chini ya Rais Samia Hassan Suluhu kuona namna bora ya kusaidia wakulima ili kuzalisha chakula kwa wingi.

Hata hivyo amesema kuwa Serikali haitaishia katika kutoa Bilioni 150 kwani itaendelea kutoa ruzuku hiyo kutokana na mahitaji ya wakulima wakati wa msimu wa kilimo utakapoanza.

"Tutaendelea kutoa elimu kwa wananchi wetu katika kuondoa changamoto wakati wa msimu wa kilimo utakapofika kwa kuweka uwazi wa mbolea ya ruzuku." amesema Dkt.Ngailo.