PSSSF BEGA KWA BEGA NA MIPANGO YA RAIS SAMIA KWENYE MAPINDUZI YA KILIMO NCHINI

 

NA K-VIS BLOG/KHALFAN SAID

MKURUGENZI Mkuu wa Mfuko wa Hifadhi ya Jamii kwa Watumishi wa Umma (PSSF), CPA. Hosea Kashimba amesema uwekezaji uliofanywa na PSSSF kwenye eneo la viwanda vya kuongeza thamani ya bidhaa za kilimo na mifugo unaenda kuongeza nguvu moja kwa moja wazo la Mhe. Dkt. Samia Suluhu Hassan, Rais wa Jamhuri ya Muungano wa Tanzania la kuongeza ushiriki wa vijana kwenye kilimo chini ya mpango wa Building a Better Tomorrow (BBT)

CPA. Kashimba ameyasema hayo kwenye banda la PSSSF kwenye Maonesho ya Kimataifa ya Kilimo Tanzania kwenye viwanja vya John Mwakangale jijini Mbeya Agosti 7, 2023, ambapo Mfuko unatoa huduma kwa wanachama na wastaafu lakini pia elimu kuhusu fursa mbalimbali zilizopo ikiwemo uwekezaji.

Alisema juhudi za Mhe. Dkt. Samia Suluhu Hassan za kuleta mapinduzi kwenye sekta ya kilimo nchini zinapaswa kuungwa mkono na watanzania wote na PSSSF iko tayari kuhakikisha vijana wa kitanzania watakaoingia kwenye sekta ya kilimo wanafaidika.

Alisema PSSSF tayari imewekeza kwenye kiwanda cha kuchakata tangawizi kilichoko Mamba Miamba wilaya ya Same mkoani Kilimanjaro, kiwanda cha Chai Mponde kilichoko wilaya ya Lushoto, mkoani Tanga, lakini pia kuna viwanda vya kuonegza thamani mazao yatokanayo na mifugo kama vile machinjio ya kisasa Nguru, wilaya ya Mvomero mkoani Morogoro na kiwanda cha bidhaa za ngozi kilichoko Kilimanjaro.

Mradi wa Building a Better Tomorrow (BBT) unaolenga kuongeza ushiriki wa vijana katika kilimo kwa kuwapatia mafunzo, maeneo ya mashamba, mitaji na kuwaunganisha na fursa za masoko ulilizinduliwa Agosti 2022 na tayari kundi la kwanza la vijana wapatao 800 wamehitimu mafunzo ya kuwajengea uwezo wa kuendesha kilimo biashara.

“Vijana hawa watakapokuwa wanaanza shughuli za uzalishaji, ufugaji na kilimo wanakuwa na uhakika wa kuuza mazao hayo, viwanda vyetu vitapokea tanagawizi, tutapokea mifugo iliyonenepeshwa na bidhaa nyingine zinazoendana na viwanda tulivyowekeza.” Alifafanua CPA. Kashimba.

Kuhusu ushiriki wa Mfuko kwenye Maonseho hayo ya Nanenane, CPA Kashimba alisema pamoja na kuwahudumia wananchama na wananchi kwenye banda la Mfuko huo, pia wafanyakazi wa PSSSF wakiongozwa na nyeye binafasi wameendelea na kampeni ya ‘Banda kwa banda’ kwa kuwatembeela wanachama kwenye mabanda yao na kusikiliza maoni yao lakini pia kutoa elimu ya matumizi ya huduma za PSSSF Kiganjani ambayo haimuhitaji Mwnachama kufika kwenye ofisi za PSSSF ili kuhudumiwa.

“Tunatambua wanachama wa PSSSF, ni watumishi wote wa serikali kuu, serikali za mitaa na mashirika ambayo serikali ina umiliki wa hisa zaidi ya asilimia 30%, wanachama hawa nao wako hapa kuwahudumia wananchi, hivyo tumeona ni busara kwa wale ambao wamebanwa na majukumu tunawafikia huko waliko na kuwahudumia lakini pia kuwasikiliza.” Alisema.

Miongoni mwa mabanda aliyotembekea ni pamoja na BoT, Wizara ya Fedha ambayo imebeba taasisi zote zilizo chini ya wizara hiyo, Azania Bank, WCF na NSSF.

Maonesho ya mwaka huu yamebeba kaulimbiu isemayo “Vijana na Wanawake ni Msingi imara wa Mifumo Endelevu ya Chakula” na yalifunguliwa rasmi Agosti 1, 2023 na Makamu wa Rais Mhe. Dkt. Philip Isdor Mpango na yanatarajiwa kufungwa Agosi 8, 2023 na Mhe. Dkt. Samia Suluhu Hassan, Rais wa Jamhuri ya Muungano wa Tanzania.

Mkurugenzi Mkuu wa PSSSF, CPA. Hosea Kashimba (wapili kulia) akimkabidhi kijitabu chenye miongozo mbalimbali ya Mfuko huo, Mkurugenzi wa Usimamizi Rasilimali Watu na Utawala, BoT, Kened Nyoni wakati alipotembelea banda la BoT kwa nia ya kutoa elimu na kuwahudumia. Wanaoshuhudia ni Mkurugenzi wa Bodi ya Bima ya Amana, Isack Kijwili (kulia) na Noves Moses, Meneja Msaidizi Idara ya Mawasiliano

Katibu Mkuu Wizara ya Kilimo Gerald Mweli (kulia), akifurahia jambo na Mkurugenzi Mkuu wa PSSSF, CPA. Hosea Kashimba walipokutana kwenye banda la WCF Agosti 7, 2023

CPA. Kashimba akizunguzma jambo na Mkuu wa Kitengo cha Uhusiano, WCF, Bi. Laura Kunenge alipotembelea banda la Mfuko huo.

Mkurugenzi Mkuu wa PSSSF, CPA. Hosea Kashimba (kushoto) akimkabidhi kijitabu chenye miongozo mbalimbali ya Mfuko huo, mmoja wa wanachama wa mfuko huo ambaye ni mtumishi wa Wizara ya Fedha. 

CPA. Kashimba (wakwanza kushotoa) na Afisa Uhusiano Mkuu wa Mfuko huo, Abdul Njaidi (wapili kushoto), wakisikiliza maoni ya baadhi ya wadanyakazi wa Wizara ya Fedha kuhusu huduma zitolewazo na PSSSF wakati wa kampeni ya banda kwa banda Agosti 7, 2023

CPA. Kashimba akiwa katika banda la Azania Bank.