𝗖𝗢𝗣𝗥𝗔 𝗬𝗔𝗧𝗢𝗔 𝗠𝗔𝗙𝗨𝗡𝗭𝗢 𝗞𝗪𝗔 𝗠𝗔𝗔𝗙𝗜𝗦𝗔 𝗨𝗚𝗔𝗡𝗜 𝗔𝗥𝗨𝗦𝗛𝗔

Mamlaka ya Udhibiti wa Nafaka na Mazao Mchanganyiko (COPRA) imeendesha mafunzo maalum kwa Maafisa Ugani 128 wa Mkoa wa Arusha kwa lengo la kuimarisha uzalishaji endelevu na ubora wa mazao ya kimkakati.

Mafunzo hayo yamefanyika kwa ushirikiano kati ya wataalamu wa COPRA, KILICCERT pamoja na Ofisi ya Mkoa wa Arusha, yakilenga kuwajengea uwezo maafisa ugani katika kusimamia na kushauri wakulima kwa ufanisi zaidi.

Kupitia mafunzo hayo, washiriki wamepata maarifa kuhusu: ✅ Viwango vya Uzalishaji Endelevu

✅ Kilimo bora cha mazao ya ufuta na mikunde

✅ Matumizi ya miongozo ya kilimo endelevu iliyoandaliwa na COPRA

✅ Uzingatiaji wa ubora wa mazao kulingana na mahitaji ya soko

Lengo kuu la COPRA ni kuhakikisha mazao yanayozalishwa yanakidhi viwango vya kitaifa na kimataifa, hivyo kuongeza ushindani wa wakulima katika masoko ya ndani na nje ya nchi.

Hatua hii inaonesha dhamira ya COPRA katika kuinua sekta ya kilimo kwa kuimarisha maarifa ya maafisa ugani ambao ni kiungo muhimu kati ya wataalamu na wakulima mashinani.