Inter Kubeba Scudetto Kule Italia?

LIGI kuu ya Italia, yaani SERIE A inazidi kupamba moto huku vinara wa ligi hiyo Inter Milan wakipigiwa chapuo la kuchukua taji hilo baada ya kuwa na mwendelezo mzuri wa matokeo.

Msimu wa Inter Milan ulianza kwa utulivu wa kujiamini, lakini ukiwa na shinikizo kubwa la kuthibitisha ubora wao ndani ya Italia na Ulaya. Chini ya uongozi wa Chivu, timu ilionekana kubadilika taratibu si kwa makelele makubwa, bali kwa nidhamu ya kimkakati na uwiano wa mchezo. Ilikuwa Inter inayojaribu kuwa na uso mpya: thabiti nyuma, makini katikati, na hatari mbele.

Kwenye Serie A, Inter walianza kwa kasi ya kuvutia. Ushindi kadhaa wa mwanzo uliwapa nafasi nzuri juu kwneye msimamo wa ligi, wakionyesha kwamba wanaweza kushindana kwa ubingwa.

Hata hivyo, tofauti na misimu ya nyuma, Inter walionekana kuwa timu inayoshinda kwa akili zaidi kuliko nguvu. Mechi nyingi zilimalizika kwa tofauti ndogo ya mabao, zikionyesha nidhamu lakini pia ukosefu wa ukali wa kuua mechi mapema.

Ingia kwenye kasi ya kujishindia pesa kwenye michezo ya Kasino ya Mtandaoni kama vile, Keno, Aviator, Poker, Roulette, Wild Icy Fruits, Super Heli na mingine kibao. Jiunge leo kwa kutembelea tovuti ya meridianbet.co.tz au piga *149*10# kisha uanze safari yako ya ushindi.

Katika mashindano ya ndani kama Coppa Italia, Inter walionyesha uzoefu wao. Walicheza kwa utulivu na kutumia kikosi kipana kuwazidi wapinzani wao. Hapa ndipo ilionekana wazi kuwa Chivu anaelewa namna ya kuzungusha kikosi bila kupoteza ubora.

Lakini changamoto kubwa ilikuwa Ulaya. Katika UEFA Champions League, Inter waliingia wakiwa na matumaini makubwa, lakini safari yao haikuwa laini. Mechi za hatua ya makundi zilikuwa na ushindani mkali, huku wakionyesha uwezo wa kushindana lakini pia mapungufu kwenye umakini wa dakika muhimu.

Walifanikiwa kusonga mbele, lakini kila hatua ilionekana kuwa ngumu zaidi. Mechi za mtoano zilifichua udhaifu mdogo uliokuwa umejificha, ukosefu wa ubunifu wa kutosha dhidi ya timu zenye ulinzi mkali, na wakati mwingine kushindwa kutumia nafasi walizotengeneza.

Hatimaye, Inter walitolewa kwenye Champions League kwa maumivu. Haikuwa kwa sababu walizidiwa sana, bali kwa sababu ya makosa madogo yaliyogharimu timu. Hii ndiyo tofauti ya soka la Ulaya makosa madogo hugeuka kuwa adhabu kubwa.

Licha ya changamoto hizo, Inter walikuwa na wachezaji walioweza kubadilisha mechi muda wowote akiwemo Lautaro Martínez, Marcus Thuram, Nicolò Barella, Hakan Çalhanoğlu, Alessandro Bastoni.

Kwa kocha Cristian Chivu, huu ulikuwa msimu wa kujifunza lakini pia kujijenga. Ameonyesha uwezo wa kuipa Inter nidhamu na utulivu, lakini bado kuna kazi ya kuongeza ukali wa ushambuliaji na ubunifu dhidi ya timu kubwa.