mapendekezo

wadau napenda kuomba radhi kwa kusema huko nyuma kwamba nancy sumary atakuwa ughaibuni na dada yake nakaaya. ukweli ni kwamba usiku kuamkia leo tulikuwa naye kwenye tuzo za kili music awards kama inavyoonekana hapa akiwa na klynn. aidha, tuzo hafla hiyo ambayo ilioneshwa hai na star tv kwa kushirikiana na tvt ilifana sana na sifa ziwaendee waandaaji pamoja na wadhamini ambao ni tbl kupitia kilimanjaro laga. chini pana mapendekezo mdau ambayo yameingia punde tu

Ninapenda kutoa mapendekezo yangu kuhusu utaratibu unaotumika hivi sasa katika utoaji wa tuzo ya heshima kwa wanamuziki mashuhuri wa TZ.

Kwa sasa hivi ni wanamuziki wawili to ndio waliopewa Tuzo ya heshima ya kudumu[MBARAKA MWINSHEHE MWARUKA na MARIJANI RAJABU MWANAMANYEMA] ambao kwa kweli sina ubishi na hilo kwani kila mpenda muziki wa asili ya TZ anakubaliana nalo kwa kura zote kabisa.

Lakini tatizo lililojitokeza ni kwa waandaaji wa TUZO hizi kuwasahau wanamuziki ambao walikuwa wakishindana kwa karibu sang na MAGWIJI hawa kwa kuwapa changamoto za hall ya juu na kuwafanya wasilale usiku wala mchana wakitafuta TUNGO za kushindana nao jambo lililopelekea kukua kwa muziki wa TZ na vipaji vyao kwa ujumla.

Mfano ni nani asiyejua jinsi tungo za HEMEDI MANETI ULAYA zilivyokuwa zikimlaza macho "JABALI LA MUZIKI LA TANZANIA?Nyimbo kama MATATA NDANI YA NYUMBA,NILIRUKA UKUTA,SALIMA,MARY MARIA,WIFI ZANGU MNANINYANYASA N.K. zilivyokuwa vikitingisha nchini na nje ya nchi. Aidha,ni mpenzi gain wa muziki asiyejua jinsi JUMA KILAZA alivyokuwa akimlaza macho "SOLOIST NASHIONALI" kwa tungo zake murua kwa kujibizana na hatimaye viwango vya muziki wa TZ kukua kwa kwenda mbele.

Vile vile,ni nani asiyejua mchango wa SALUM ABDALLAH katika maendeleo ya muziki wa TZ.Nawaomba waandaaji wa TUZO hizi kuwafikiria wanamuziki SALUM ABDALLAH, JUMA KILAZA na HEMEDI MANETI ULAYA kuwapa TUZO YA HESHIMA YA KUDUMU pia.

NAWATAKIA KILA LA HERI KATIKA SHUGHULI HII. - JOHN P. JAMBELE