taswirazzz

Je ni mambo gani ya kuzingatiwa hasa katika upigaji picha wa kwenye hizi concert zetu,vipi kwa hizo kadhaa ambazo nilizipiga wakati wa uzinduzi wa kampuni ya Zain pale viwanja vya Karimjee,Hilo ni wasanii wa kundi la UMOJA kutoka afrika kusini.

Ahmad Michuzi Jnr.

-----------------------------------

Ahmad!

kwanza nikupongeze kwa bidii yako katika kuendeleza libeneke. najisikia praudi sana kuonan unavyokata mbuga kule michuzijr.blogspot.com kwa picha na habari motomtot kila siku. endelea tu, faida utaiona baadaye. kwa kweli nakufagilia sana sana kwa hilo

kujibu swali lako noamba niseme ni ngumu, ikizingatiwa kwamba kila taswira ina ladha yake kwa mtazamo wa mtu na mtu. nasisitiza tena na tena kwamba taswira si hesabu unayoweza kugawa na kuzidisha na kupata jibu ambalo halibadiliki. picha ni kama uzuri wa mrembo ambao unaonekana na mpendaji. wewe utamuona ana chongo mwenzio atasema hilo ni kengeza tu.

tukija kwenye kama hizo za juu ambazo ukiondoa kasoro ndogondogo (maiki zimekula uhondo wake, monita ama spika zinaonekana haraka kabla ya watu kutokana na ukubwa wake, zote ni za mbali, ungetupatia za karibu tuone urembo wa watu na mavazi) kwa maoni yangu nadhani inategemea unazipiga kwa ajili ya msomaji ama muangaliaji yupi.

kama ni kwa ajili ya magazeti taswira zimekidhi haja moja tu; muonekano wa unadhifu na ustadi jukwaani wa wachezaji na ukubwa wa jukwaa pamoja na makorokoro yake. kama ingekuwa ni taswira ya sanaa basi ya karibu (close-up) ya mmoa ama wawili ama hata watatu kuonesha nyuso, mavazi na vibuyu ingekuwa bomba.

ya juu ni nzuri inagwa sio sana kwani siku ingine jaribu kupiga bila flashi. hapo unatakiwa uwe na taimingi kwani ukipiga wakati wanatikisika picha itacheza. ukiipatia hali (atmosphere) ya hiyo sehemu ingekupa bonge la muonekano.

kumbuka hayo ni maoni yangu na tasfiri, sio ndio jawabu la mwisho la swali lako ambalo jibu utalipata kama utajiuliza ni nani ataziona hizi taswira na angependa kuona kitu gani.

-michuzi

-------------------------------------------

KUTOKANA NA USHAURI WA WADAU WENGI, HASA WAPENZI WA TASWIRA NIMEAMUA LEO KUANZISHA RASMI GLOBU MAALUMU ITAYOENDELEZA LIBENEKE LA TASWIRAZZZ AMBALO NAONA LINASHIKA HATAMU KWA KASI KWANI HAPA NILIPO NINAZO KIBIDONI TASWIRA KIBAO AMBAZO NIKIBANIKA ZOTE ITAKUWA BALAA.

GLOBU HIYO INAITWA

libenekelataswira.blogsot.com

NA TAYARI IMESHAANZA KAZI IKO HEWANI TOKA LEO JIONI. PAMOJA NA KUPOKEA TASWIRA TOKA KWA WADAU PIA KUTAKUWA NA DARASA LA MARA KWA MARA JUU YA HILI NA ILE KATIKA FANI HII ADHIMU. HUKO PIA UTAPATA NAFASI YA KUULIZA MASWALI, KUTOA MAONI NA HATA KUKOSOA.

HIVYO KARIBUNI libenekelataswira.blogspot.com TUENDELEZE LIBENEKE

-MICHUZI