Jeneza la Michael Jackson kugharimu dola 25,000

Jeneza kama hili ndilo litakalotumika

kwenye mazishi ya Michael Jackson

Mwanamuziki Michael Jackson ambaye alifariki juni 25 mwaka huu baada ya kukumbwa na shambulio la moyo atazikwa kwenye jeneza lenye thamani ya dola 25,000 kama lile alilozikwa nalo gwiji wa muziki wa Soul, James Brown.

Kwa mujibu wa taarifa zilizopatikana, Michael Jackson atazikwa kwenye makaburi ya Forest Lawn Memorial Park jijini Los Angeles akiwa kwenye jeneza lenye thamani ya dola 25,000 ( takribani Tsh. Milioni milioni 32.5).

Jeneza hilo linalojulikana kama "Promethean" lina kuta za nje za dhahabu ya karat 14 na kwa ndani lina foronya za aina yake za thamani za rangi ya bluu.
Jeneza kama hilo ndilo ambalo alizikwa nalo nguli wa muziki wa Soul, James Brown "The Godfather of Soul" aliyefariki siku ya krismasi mwaka 2006 akiwa na umri wa miaka 73.

Michael Jackson alihudhuria mazishi ya James Brown na inasemekana alitembelea kampuni iliyotengeneza jeneza hilo na kujionea majeneza ya aina mbali mbali.

Ili kuhakikisha vibaka hawaibi jeneza au mwili wa Michael Jackson baada ya kuzikwa, kaburi la Michael Jackson litafunikwa kwa zege.

Wakati huo huo takribani watu nusu bilioni wamejisajili kwenye bahati nasibu ya kuhudhuria sherehe za kuuaga mwili wa Michael Jackson zitakazofanyika kwenye ukumbi wa Staples Center jijini Los Angeles siku ya jumanne asubuhi kwa saa za Marekani( Kuanzia saa 12 jioni kwa saa za Tanzania).

Mpaka wakati wanafunga utaratibu wa kujiandikisha ni takribani watu Milioni 1.6 waliojiandikisha kwa ajili ya tiketi hizo.

Yasemekana watu nusu bilioni watafuatilia kwenye luninga na internet. Na tiketi hizo zitatolewa kwa watu hao 8,750 kwa kuwa kila jina litapata tiketi mbili. Kwa hiyo jumla ya tiketi 17,500 zitatolewa.