MUWAKILISHI WA JUMUIYA YA WATANZANIA ITALY

Ndugu Emanuel Reginald Kapongo

Jumuiya ya Watanzania Italy sasa ina uwakilishi wake Tanzania. Ndugu Kapongo pichani ameteuliwa na Mwenyekiti wa Jumuiya ya Watanzania Italy ndugu Abdulrahaman A.Alli kuwa muwakilishi (Represantative) wa Watanzania wanaoishi Italy.

Ndugu Kapongo amerejea Tanzania wiki iliyopita baada ya kufanya ziara fupi makao makuu ya jumuiya ya Watanzania Italia mjini Napoli. Katika ziara yake alipata wasaa wa kuzungumza na watanzania waliofika katika sherehe ya tawi la Chama cha Mapinduzi la Napoli zilizofanyika tarehe 6/11/2010.

Muwakilishi huyo ameahidi kushirikiana na Watanzania wote wanaoishi Italy katika masuala yote hata ya binafsi.Wengi wa watanzania wanaoishi ughaibuni huwa ni kawaida kuhusisha ndugu zao katika masuala yao kama ya ujenzi na mara nyingi huwa hawatendewi haki au kuambiwa ukweli,ndugu Kapongo atakuwa akifuatilia nakujuwa taarifa kama hizo.

Jumuiya ya Watanzania Italy inafungua Darasa la kufundisha lugha ya kitaliani mjini Daressalaam ili kuwaanda wanafunzi au wafanyakazi wanaotegemea kwenda Italy au kwa yeyote atakaye penda kujifunza lugha ya kitaliani.

Ofisi ya muwakilishi huyo ipo Dar es Salaam mtaa wa Rufiji/Nyamwezi.
Kwa mawasiliano na ndugu Kapongo piga simu.
tel. +255 22 2180971 cell.
(+255) 0713 382428.

au andika barua pepe kwa
katibu mkuu wa Jumuiya-
tnzncommunity@yahoo.com