News alert: Duka katika Soko Kuu la Kigoma lashika moto

 Mkuu wa Mkoa wa Kigoma Luteni Issa Machibya (wa pili kushoto) na RPC wa mkoa huo wakiwasili eneo la tukio, ambapo kwa mujibu wa habari toka huko moto huo mkubwa umezuka katika mojawapo ya maduka na juhudi za kuuzima zinaendelea

Asskari wa Faya wakiwasili sokoni hapo tayari kuanza kazi. 

Na Pardon Mbwete na Anna Msika wa Jeshi la Polisi

Jeshi la Polisi mkoani Kigoma limefanikiwa  kuzuia na kuokoa  mali na kudhiti moto kwa kushirikiana na askari zima Moto wa kikosi cha zimamoto Halmashauri ya Kigoma Ujiji na Kikosi cha zimamoto viwanja vya Ndege na baadhi ya vitu vimeokolewa na vingine kuungua bado thamani yake haijajulikana

 

Kaimu Kamanda wa Polisi mkoani Kigoma SSP Kihenya Kihenya  amemtaja mmiliki wa duka hilo kuwa ni Faustine  Samweli 39, Mfanyabiashara wa Lumumba  Road chumba NO.16 kiliungua moto.

 

Kaimu Kamanda  amesema kuwa  Chanzo cha moto huo ni Freezer iliyokuwa imeachwa ikiwaka usiku mzima bila kuzimwa hivyo kusababisha chanzo cha moto huo

 

Kamanda huyo amesema kuwa Thamani halisi ya mali iliyoteketea bado haijajulikana  na uchunguzi zaidi wa tukio hilo bado unaendelea.

 

 Freezer linalodhaniwa ndiyo chanzo cha moto huo

 

Hata hivyo kamanda kihenya amewataka wafanya biashara wa eneo hilo kuhakikisha usalama wa mali zao kabla na baada ya kufanya shughuli zao kuwa waangalifu wakati wa ufungaji wa maduka yao ili kuzuia tukio la aina hiyo