RUGEMALIRA AACHIWA HURU

Mfanyabiashara James Rugemalira akiwa na familia yake nje ya Mahakama ya Hakimu Mkazi Kisutu jijini Dar es Salaam leo Septemba 16,2021.

Na Mwandishi wetu

MKURUGENZI wa Mashtaka nchini (DPP) amefuta mashtaka yanayomkabili Mfanyabiashara James Rugemalira na mahakama kumwachia huru kwa sababu hana nia ya kuendela na mashtaka dhidi yake.

Mapema upande wa mashtaka ukiongozwa na wakili wa serikali, Grace Mwanga umedai mahakani hapo mbele ya Hakimu Mkazi Mkuu, Huruma Shaidi wa Mahakama ya Hakimu Mkazi Kisutu kuwa kesi dhidi ya Rugemalira iliitwa mahakamani hapo kwa ajili ya kutajwa lakini DPP amewasilisha hati ya kuiondoa kesi hiyo (Nolle Prosequ) chini ya kifungu cha sheria cha 91 (1) cha mwenendo wa makosa ya jinai.

Licha ya hayo Juni 2017, Taasisi ya kupambana na kuzuia rushwa nchini Tanzania TAKUKURU iliwafikisha Mahakamani Mkurugenzi wa Kampuni ya Kufua Umeme (IPTL), Herbinder Seth na Rugemalira kwa makosa sita ya uhujumu uchumi ikiwemo kosa la kuisababishia serikali hasara.

Kusoma zaidi juu ya kesi ya Rugemalira bonyeza hapa.

Aidha katika shtaka jingine, Washtakiwa wote, wanadaiwa kuwa kati ya Novemba 28/29, 2011 na Januari23,2014 makao makuu ya benki ya Stanbic Kinondoni na Benki ya Mkombozi tawi St Joseph zote za Dar es salaam, kwa ulaghai, walijipatia kutoka Benki Kuu ya Tanzania (BOT), USD 22,198,544.60 na shilingi 309, 461,300,158.27. 

Iliendelea kudaiwa kuwa katika shtaka la kusababisha hasara, washtakiwa hao wanadaiwa kwamba mnamo Novemba 29, 2013 katika Benki ya Stanbic tawi la kati Kinondoni kwa vitendo vyao waliisababishia Serikali hasara ya USD 22, 198, 544.60 na Tsh 309,461,300,158.27.

Bonyeza hapa kusoma zaidi.

Kujua kama upelelezi wa kesi ya Rugemalira Bonyeza hapa.

Kesi Ya Sethi Na Rugemalira Yazidi Kupigwa Kalenda