"jami"
Showing posts with label jami. Show all posts

at Saturday, January 03, 2026 0


Na Khadija Kalili, Kibaha
MSTAHIKI Meya wa Manispaa ya Kibaha Dkt. Nicas Mawazo ametoa siku saba kwa Shamba la Kuku la lililopo Mtaa wa Madafu Kata ya Visiga Wilayani Kibaha kupulizia dawa ya kuua nzi ambao wamekuwa kero kwa wananchi katika Kata hiyo.

Mstahiki Meya Dkt. Nicas amsimamo huo baada ya wananchi kulalamikia shamba hilo kwenye mkutano wa hadhara uliofanyika Mtaa wa Visiga Kati wakati akiwa kwenye ziara ya kutatua kero za wananchi kwenye Kata ya Visiga.

Sabra Selemani ambaye ni mwanach amelalamika kuwa shamba hilo linalazisha Nzi kutokana na uchafu wa kinyesi cha kuku (mbolea) ambayo imekuwa ikikaa muda mrefu huoza na kuanza kutoa harufu mbaya.

Sabra amesema kuwa mbolea hiyo ikioza inazalisha funza ambao huzaa Nzi kwa wingi ambao husambaa kwenye baadhi ya Mitaa na kusababisha kero kubwa kwa wananchi hasa waleRC wanaofanya biashara za vyakula na wakati mwingine huingia kwenye vyakula vyao hali inayowakimbiza wateja wao.
Read more »

at Sunday, March 09, 2025 0
Dar es Salaam, Machi 07, 2025 - Airtel Tanzania imezindua chumba maalum cha kuhudumia wakina mama na Watoto wakati wa kazi kwenye makao makuu yake jijini Dar es Salaam kwa lengo la kudhihirisha dhamira yake ya kuwaunga mkono wakina mama waweze kufanya kazi pamoja na kulea watoto wao sambamba na maadhimisho ya siku ya wanawake duniani kwa mwaka 2025.

Akizungumza wakati wa uzinduzi wa chumba cha kuhudumia wakina mama na Watoto wakati wa kazi, Mkurugenzi Mtendaji wa Airtel Tanzania, Charles Kamoto, amesema mpango huo ni muhimu katika kuchochea utekelezaji wa sera za ujumuishi wa kijinsia kwenye eneo la kazi na kuweka mazingra rafiki kwa wazazi kuhudumia vichanga vyao awawapo kazini.

“Thamani ya Airtel Tanzania inatokana na hulka yetu ya kutenda kile tunachokisema. Tunahakikisha kila mabadliko tunayoyazungumzia tunayatekeleza. Chumba hicho cha kuhudumia wakina mama na Watoto wakati wa kazi kinahakisi jitihada zetu endelevu za kuwaunga mkono wanawake. Tunawawezesha Airtel Divas to kusonga mbele kwenye kazi zao na maisha yao binafsi bila ya kuchagua kati ya kulea uzazi na ajira,” alisema Kamoto.

Kwa upande wake, Mkurugenzi Rasilimali Watu, Stella Kibacha alifafanua kuwa mpango huo unahakisi dhumuni la dhati la Airtel Tanzania kutengeneza eneo la kazi ambapo wanawake wanaweza kupata maendeleo kwa kuwa chumba hicho kitaboresha maisha ya wakina mama ambao wanafanyakazi.

“Eneo hili ni mahususi kuhakikisha wakinamama wanaweka usawa kati ya kazi na majukumu binafsi kwa uadilifu na wepesi. Tunawaunga mkono wakina mama kwasababu kufanya hivi kutaboresha maisha yao wakiwa kazini pamoja na kuboresha uzalishaji wao,” alisema.

Akizungumzia uzinduzi wa chumba hicho, Mkurugenzi wa Huduma kwa Wateja wa Airtel Tanzania, Adrianna Lyamba alisema kuwa mpango huo ni muhimu kwasababu inawafanya wakina mama wafanyakazi wawe na saikolojia chanya.

“Majukumu ya uzazi hayapaswi kuwa kikwazo kwa mtu kupanda ngazi kwenye eneo lake la ajira. Tunaelewa kuna changamoto zinazoambatana uzazi wakati wa kutekeleza majukumu ya kikazi, jambo ambalo linaweka msisitizo juu ya umuhimu wa uwepo wa chumba kwa ajili ya wakina mama kuhudumia watoto wao wanapokuwa kwenye eneo la kazi. Uwepo wa chumba hicho kinawapa wanawake utulivu wa kiakili kwasababu wanatambua kuwa kuna chumba maalum watakachotumia kulea vichanga vyao huku wakiendelea na kazi. Mpango huu ni msisitizo kuwa Airtel inaendelea kuchochea hatua zitakazohakikisha wanawake wanaungwa mkono kwenye kila nyanja,” alisema Lyamba.

Kwa mujibu wa Mkurugenzi wa Ugavi wa Airtel Tanzania, Daniel Akuffo, alisema kuwa chumba hicho kipya kinaonyesha azma ya Airtel katika maono yake mapana ya ujumuishi na uwezeshaji.

“Ukizungumzia eneo la kazi lenye mazingira wezeshi, maana yake ni kutengeneza mazingira ambayo yatamfanya kila mfanyakazi aweze kukua kitaaluma na katika maisha yake binafsi. Uzinduzi wa chumba hiki inaonyesha dhamira yetu ya kutengeneza eneo la kazi lililojumuishi. Wafanyakazi wanapoona wanaungwa mkono, wanakuwa na ari na ufanisi zaidi hali inayowanufaisha wao pamoja na kampuni kwa ujumla. Tunamatumaini kuwa mpango huu utaweka kiwango kwa ajili ya makampuni ya Tanzania na kuhamasisha makampuni mengine kutekeleza sera kama hizi.”
Read more »

at Sunday, December 15, 2024 0








MWENYEKITI wa Tume ya Haki za Binadamu na Tawala Bora, Jaji Mstaafu Mathew Mwaimu amesema haki za binadamu Tanzania bado tupo vizuri kuliko nchi yeyote duniani.

Hayo ameyabainisha leo Desemba,14 2024 jijini Dar es Salaam, Jaji Mwaimu wakati wa Wanafanya maadhimisho ya haki za binadamu duaniani ambayo kila mwaka huadhimishwa Desemba, 10 na yenye Kauli mbiu ya; Haki zetu, maisha yetu, sasa na baadae.

Amesema hakuna nchi duniani inaweza kusema kwamba inazingatia haki za binadamu kwa asilimia 100 ili wanazidiana kwa viwango.

"Tanzania hatuko vibaya tupo vizuri pamoja na changamoto ambazo tunazo bado Tanzania tutafanya vizuri, kwa mfano maeneo ya habari kuna malalamiko ndio watu hawapati fursa ya habari pengine maafisa wanapokwenda katika ofisi unakuta hawapo hawapati taarifa stahiki lakini serikali imetoa maelekezo kila wizara au taasisi lazima iwe na wasemaji kwa sasa Serikali iliweka utaratibu huu," amesema Jaji Mwaimu.

Amesema huwa wanaadhimisha haki za binadamu duniani yanatokana na tamko la dunia kuhusu haki za binadamu lilotolewa mwaka 1948 lililenga katika kuratibisha haki mbalimbali za binadamu.

Amesema Lengo la maadhimisho haya ni Kutafakari kwa pamoja kauli mbiu ya mwaka huu kwa kushirikiana na wadau na wageni mbalimbali waliohudhuria.

Ameeleza kuwa wataendelea kuhamasisha haki za binadamu na kutatua changamoto mbalimbali za wananchi watajadili kuwa kila binadamu anahaki za msingi na haki za binadamu hazi gawanyiki ila zinategemeana.

Ameongeza kuwa kuimarisha mifumo ya utoaji haki na kulinda haki za makundi maalum watoto, walemavu na wengineo na wote wanakumbusha kulinda haki zao.

Naye Katibu Mtendaji wa Tume ya Haki za Binadamu na Tawala Bora, Patiance Mtwina amesema kila mwaka huadhimisha siku ya haki za binadamu kwa kusikiliza hoja mbalimbali, kutatua changamoto na kupokea malalamiko ya wananchi ili kuweza kuwasaidia.

"Tumekuwa kwa siku tatu katika Wilaya ya Temeke kwaajili ya wananchi wa Temeke ambapo tulipokea shida za migogoro ya ardhi tunafanyia kazi wananchi wengi wana migogoro ya ardhi," amesema.

Ametaja baadhi malalamiko waliopokea ni pamoja na mirathi imekuwa tatizo kwa wananchi, faida za bima wanapopata ajali, mafao na wanaendelea kutoa elimu kwa wananchi jinsi ya kuifikia Tume hiyo.

Kwa upande wake, Mwanasheri wa Mtandao wa Watetezi wa Haki za Binadamu Tanzania, Richard Shumbusho, amesema ni muhimu haki za binadamu nchini zilindwe haki si ya mtu mmoja ni jamii nzima.
Read more »

at Tuesday, August 06, 2024 0
Kaimu Meneja Wakala ya Barabara Vijijini na Mijini (TARURA) Kutoka Dodoma jiji Mhandisi Kasongo Molijo akisikiliza wananchi Waliotembelea Banda la TARURA (hawapo pichani) katika Maonesho ya Kilimo Kitaifa Nane Nane yanayoendelea katika viwanja vya Nzuguni jijini Dodoma.


Mkuu wa Kitengo cha Uhusiano na Mawasiliano Wakala ya Barabara za Vijijini na Mijini (TARURA) Bi. Catherine Sungura akimuonesha Mwananchi jarida lenye taarifa za miradi ya barabara zilizojengwa wakati alipotembelea Banda la TARURA kwenye Maonesho ya Kilimo Kitaifa yanayoendelea katika Viwanja vya Nzuguni jijini Dodoma.

Na Mwandishi Wetu Kaimu Meneja Wakala ya Barabara Vijijini na Mijini (TARURA) Kutoka Dodoma jiji Mhandisi Kasongo J. Molijo ameeleza changamoto wanayoipata Kutokana na wananchi kutupa taka hovyo kwenye mitaro na mitaro hiyo kuziba.

Akizungumza katika maonesho ya Kimataifa ya Kilimo (Nanenane) yanayoendelea kwenye viwanja vya Nzuguni jijini Dodoma amesema kuna baadhi ya watumiaji wa barabara hususani watembea kwa miguu na watumiaji wa vyombo vya moto wamekuwa wakitumia barabara vibaya.

"Sisi Kama TARURA tunapitia changamoto kubwa sana kutokana na wananchi kutupa taka kwenye mitaro na kusababisha mitaro hiyo kuziba na kupelekea maji ya mvua kutuama barabarani na kuleta uharibifu mkubwa katika barabara hizo.

Mhandisi Kasongo alisema kuwa TARURA inalazimika kutumia kiasi kikubwa cha fedha kuzibua mitaro hiyo wakati fedha hizo zingeweza kupelekwa maeneo mengine kutatua changamoto za barabara kama watumiaji hao wangeepuka kutupa taka katika mitaro

Amesema kuwa TARURA inazidi kupambana na ujenzi wa barabara ambapo kuna miradi mingi inayoendelea sasa hivi ikiwemo miradi midogo ya matengenezo na miradi mikubwa ya barabara za lami, lengo ni kuhakikisha maeneo mengi katika Jiji la Dodoma yanafikika kirahisi.

"Tuna barabara ambayo inajengwa kutoka Kisima cha nyoka kwenda mpaka Nkuhungu ili kuhakikisha wananchi kutoka Nkuhungu wanafika mjini kiurahisi bila kuwa na kikwazo cha aina yoyote. " Mhandisi Kasongo.

Naye Mkuu wa Kitengo cha Uhusiano na Mawasiliano Wakala ya Barabara za Vijijini na Mijini (TARURA) Bi. Catherine Sungura amesema kuwa TARURA inawafahamisha wananchi na kuwapa elimu ya matumizi mazuri ya miundombinu ya barabara ikiwemo mifereji ya maji.

TARURA imeweza kuwasaidia wakinamama akitolea mfano wajawazito kutokana na kujenga barabara maeneo ya vijijini na kazi kubwa sana imefanyika hasa vijijini.
Read more »

at Thursday, April 25, 2024 0


*MWENYEKITI Lee Man-hee -Jukumu langu ni kushuhudia matukio ya Ufunuo kama nilivyoyasikia na kuyaona."

*Ushuhuda juu ya ukweli uliotimizwa wa Ufunuo' ulielezea kimantiki na kwa utaratibu.

MWENYEKITI wa kanisa la Shincheonji, Lee Man-hee amesema ikiwa mtu anatamani mbingu na uzima wa milele, ni lazima waende hadi mwisho wa dunia ikiwa ni lazima ili kujua kama ni ukweli unaotimizwa kulingana na Biblia.

Hayo amesema Wakati wa Semina ya bibilia iliyofanyika Barani Asia katika nchi ya Uphilipino Aprili 20, 2024. mkutano huo ulikuwa na lengo la kuwajulisha wakristo wote kuhusu ukweli uliotimizwa kwenye kitabu cha Ufunuo.

Mwenyekiti Lee alisisitiza, "Imani sio kutafuta pesa," na "Sio wakati wa kuwa na imani na mawazo ya zamani. Mtu lazima athibitishe. Baada ya kuthibitisha, lazima aamue kuamini au la."

"Ni kazi ya mtu huyu kufikisha kile kilichoonekana na kusikika kutoka kwa matukio ya Ufunuo sura ya 1 hadi 22. Nilichokiona na kusikia, kile nilichogusa na kile kilichopo katika hali halisi, ndicho nilichokuja hapa kushiriki nanyi. Sasa sio wakati wa kusema chochote na kukubaliana tu na 'Amina'. Lazima uelewe nyakati za ukweli. Ni wakati ambao ahadi zimetimizwa."

Katika ukumbi wa mihadhara ya ndani huko Ufilipino, makofi yalijaza nafasi, ambayo ilionekana kukaa maelfu kwa mtazamo wa kwanza. Sauti yenye nguvu na hotuba ya ujasiri inayotokana na kimo kidogo, ambayo ilionekana kuwa haiwezekani kwa mtu zaidi ya miaka tisini, ilifanya maneno rahisi hata mtoto anaweza kuelewa. Katika muda mfupi, hali ilizidi kuwa kali. Mtu ambaye alifanya hivyo kutokea hakuwa mwingine isipokuwa Shincheonji Kanisa la Yesu, Hekalu la Hema ya Ushuhuda, Mwenyekiti Lee Man-hee.

Siku hiyo, Mwenyekiti Lee alizindua Semina za Biblia za Shincheonji za 2024 za Bara la Asia (I)' kwa kutembelea Kituo cha Mikutano cha Kimataifa cha Ufilipino. Mfululizo wa hotuba utaendelea mwaka mzima huko Ulaya, Afrika, Amerika, Oceania, na kuhitimisha tena Asia (II). Kanisa la Shincheonji la Yesu liliandaa Semina hiyo ya Neno kutokana na majibu mengi na maombi ya dhati kutoka kwa wachungaji na waumini wengi ulimwenguni kote kufuatia 'Semina ya Neno la Ufunuo Shincheonji '.

Akiwa na ukumbi wa mihadhara ambao una viti 4,000 vilivyojaa watu, Mwenyekiti Lee alichukua hatua na kwanza akajitambulisha na kile kilichomfanya aamini. Ilitoa hisia sawa na jinsi waandishi wa kibiblia walivyoanza kuelezea ukoo wao na nyakati kabla ya maudhui kuu

Mwenyekiti Lee alisema kwa nguvu, "Sasa si wakati wa kusema chochote na kukubaliana tu na 'Amina,'" na "Lazima uelewe nyakati ya ukweli. Ni zama ambazo ahadi zimetimizwa." Alisisitiza, "Ufunuo unatia ndani mnyama mwenye vichwa saba na pembe kumi, na pia nyota saba. Ni juu ya kuelewa kile ambacho kuonekana kwa kweli kunawakilisha," na akasisitiza kwamba "wakati Mungu anaandika kuibuka kwa watu kama hao, ni ili leo utimizo utimie. kuona, kusikia, na kuamini."

Akirejelea Ufunuo 22:18-19, Mwenyekiti Lee alisisitiza mara kwa mara kwamba mtu hawezi kuingia mbinguni ikiwa wataongeza au kuondoa kutoka kwa Kitabu cha Ufunuo. Kwa kufanya hivyo, aliamsha hisia ya uharaka katika imani kwa kusema, "Mtu lazima ajue kila kitu bila kupunguza. Ni vigumu kutosha kufanya mazoezi hata wakati wa kujua kila kitu; bila ujuzi, mtu angeweza kupoteza matumaini."

Pia alikazia kwa mara nyingine tena kwamba ni lazima mtu afahamu kikamili Ufunuo na kutiwa muhuri kana kwamba anapigwa muhuri. Mwenyekiti Lee aliuliza, "Kwa nini unafikiri imeandikwa katika Ufunuo 22:18-19 kwamba mtu hataingia katika ufalme wa mbinguni na atalaaniwa ikiwa ataongeza au kupunguza kutoka humo?" Akajibu, "Ni kwa sababu maneno haya yanatimia kana kwamba yanapigwa muhuri."

Mwenyekiti Lee alisisitiza umuhimu wa kuandika maneno katika moyo wa mtu, kuwa 'Biblia inayotembea' na 'neno lililo hai.' Alitaja kwamba wale wanaofanya hivyo wanakuwa wale waliotiwa muhuri wanaotajwa katika Ufunuo 7, ambao wameokolewa. Mwenyekiti Lee alitangaza, "Hakuna wokovu unaotajwa isipokuwa wale waliotiwa muhuri 144,000 na kundi kubwa la watu waliovaa mavazi meupe; mtu ye yote ambaye hajatiwa muhuri anakuwa kama udongo, asiye na uhusiano wowote nalo. Ni wale tu waliotiwa muhuri wanaweza kuingia ufalme wa mbinguni." Pia alisema kwa uthabiti, "Wale ambao wametiwa muhuri wanaweza kuishi mbinguni, kuwa na uzima wa milele, na kuwa sehemu ya familia ya Mungu, lakini wale ambao hawana basi hawana uhusiano na Mungu."

Kwa wenyeji, Mwenyekiti Lee mara kwa mara aliwasilisha salamu kama vile "Nina uhusiano wa kina na Ufilipino," "Ufilipino ilikuwa mahali pa kwanza nilipokuja kutoa ushahidi baada ya kupokea neno," na "Ninaipenda sana Ufilipino.

Kwa kweli, Ufilipino imedumisha uhusiano na Mwenyekiti Lee kwa zaidi ya muongo mmoja. Mbali na shughuli zake za kidini, akiwa mwakilishi wa shirika lisilo la kiserikali la kimataifa la HWPL (Heavenly Culture, World Peace, Restoration of Light), alitembelea Ufilipino na kupatanisha makubaliano ya kwanza ya amani ya kiraia huko Mindanao, ambayo yamekuwa katika migogoro kwa muda mrefu. miaka 40. Kufuatia hili, amani ilianzishwa katika kanda, na habari hii ilipata tahadhari ya kimataifa.

Read more »

at Monday, February 19, 2024 0
Mkurugenzi Mkuu wa Tantrade Latifa Khamis akizungumza katika mkutano wa mkakati wa uwekezaji kati Tanzania na Misri uliofanyika viwanja vya Sabasaba jijini Dar es Salaam.
Picha ya Pamoja ya Mkurugenzi Mkuu wa Tantrade  Latifa Khamis na Waziri wa Usafirishaji nchini Misri Kamal Al-Waziri mwenye suti ya Samawari  aliongozana na ujumbe'Bluu' jijini Dar es Salaam.

*Yawakaribisha Misri Maonesho ya Biashara Kimataifa

Na Chalila Kibuda,Michuzi TV Mamlaka ya Biashara Tanzania (Tantrade) imesema kuwa Rais Dkt.Samia Suluhu Hassan katika kufungua mipaka imeweza kuonesha fursa kati ya Tanzania na Misri kwenye biashara.

Akizungumza katika Mkutano kati ya Tanzania na Misri Mkurugenzi Mkuu wa Tantrade Latifa Khamis amesema ushirikiano wa kibiashara kati ya Tanzania na Misri ni hatua kubwa kuelekea mstakabali bora na ukuaji wa Kiuchumi kwa nchi zote mbili ndivyo inavyoonyesha jinsi nchi za kiafrika zinavyoweza kushirikiana na kukua pamoja.

Mkurugenzi Mkuu katika kuimarika kwa sekta ya biashara Tanzania na Misri zimeona fursa za kujiimarisha na kuongeza thamani kati ya nchi hizo mbili.

Amesema Tanzania huuza bidhaa zenye thamani ya Dola za Kimarekani 4,867 huku ikiagiza bidhaa zenye thamani Dola za Kimarekani 49,283 kila mwaka.

Amesema kuwa Tantrade kuwa katika mashirikiano hayo Tantrade inaongeza juhudi kwa kuwezesha biashara kati ya nchi mbili katika kukutana na kujadili na kubadilishana maarifa na kutafuta fursa mpya biashara endelevu

Bi Latifa amesema kwa mwaka wa fedha 2023/2024 juhudi nyingi zimefanyika ya kusaidia biashara ndogo ndogo na za kati Tanzania kuuza zaidi ya nje ya nchi na kufikia masoko mapya.

Katika kuonyesha umuhimu wa ushirikiano huo Tantrade imekaribisha kampuni za Misri kushiriki maonesho ya 48 ya Biashara Dar es Salaam.

Maeneo ya Uwekezaji wa Misri katika viwanda vya Dawa,Umeme ,vifaa vya Ujenzi pamoja na Manukato.
Picha ya Pamoja ya Mkurugenzi Mkuu wa Tantrade  Latifa Khamis na Waziri wa Usafirishaji nchini Misri Kamal Al-Waziri mwenye suti ya Samawari 'Bluu' jijini Dar es Salaam.



Picha za matukio katika Mkutano wa Kibiashara kati ya Tanzania na Misri.
Read more »

at Tuesday, December 05, 2023 0
Wafanyakazi wa Barrick wakipokea tuzo kutoka kwa Waziri wa Nchi,Ofisi ya Waziri Mkuu (Kazi,Vijana,Ajira na Wenye Ulemavu), Mh.Joyce Ndalichako.
Wafanyakazi wa Barrick wakifurahia tuzo ambazo kampuni imejishindia
---
Mgodi wa North Mara, unaomilikiwa kwa ubia kampuni ya Barrick Gold Corporation na Serikali ya Tanzania kupitia kampuni ya Twiga Minerals Corporation, umeshinda tuzo kubwa ya Mwajiri Bora kwa mwaka huu inayotolewa na Chama Cha Waajiri nchini (ATE).


Mh. Joyce Ndalichako, Waziri wa Nchi,Ofisi ya Waziri Mkuu (Kazi, Vijana, Ajira na Wenye Ulemavu), alikuwa Mgeni Rasmi katika kutoa tuzo kwa washindi iliyofanyika katika ukumbi wa mikutano wa Mlimani City.


Mbali na ushindi Mkubwa wa tuzo ya jumla, Migodi ya Barrick imeshinda Tuzo nyingine 5 ambazo ni Mshindi wa Jumla katika Sekta Binafsi (North Mara), Mshindi Bora katika utekelezaji wa sera ya Uwajibikaji kwa jamii (North Mara), Mshindi bora katika udhibiti wa Maafa (Bulyanhulu), Mshindi wa pili kutekeleza sera ya ushirikishaji wananchi katika mnyororo wa madini –Local content (North Mara) na mshindi wa jumla Taasisi kubwa zinazotoa ajira (North Mara).


North Mara, ni moja ya mgodi ambao umefanikiwa kuzalisha ajira nyingi kwa wananchi za moja kwa moja na zisizo za moja kwa moja ambapo zaidi ya asilimia kubwa wanatoka katika vijiji vunavyozunguka mgodi huo.


Mgodi unaendelea na programu ya kutekeleza mradi kwa kilimo Biashara kwa lengo wa kupanua wigo kwa vijana wengi kujipatia kipato kupitia kilimo.
Read more »

at Wednesday, April 05, 2023 0
JESHI la Polisi Mkoa wa mwanza limesema kwamba mnamo Aprili Mosi  muda wa saa 20:00 Usiku huko kitongoji cha Kasuzu, kijiji na kata ya Namagondo, tarafa ya Mumulambo wilayani Ukerewe, mwanaume aitwaye Anselumu Sebuka, miaka 42, Mkulima na mkazi wa Namagondo, alikutwa ndani ya chumbachake akiwa amejaribu kujiua kwa kukata uume wake kwa kutumia kisu chenye ncha kali.

Hayo yameelezwa katika taarifa iliyotolewa na Kamanda wa Polisi Mkoa wa Mwanza. Wilbroad W. Mutafungwa- SACP imesema kuwa inadaiwa Ansele Sebuka alikuwa anatuhumiwa na ndugu zake kuiba mali mbalimbali za familia yake na za jamii inayomzunguka na kwenda kuziuza pamoja na ulevi uliokithili ambapo waliamua kumtenga kutokana na tabia zake mbaya. Baada ya tuhuma hizo ndipo aliamua kujikata uume wake kwa kisu na kuacha unaning’inia kwa lengo la kujiua. Chanzo cha tukio hilo ni ugonvi wa kifamilia uliopelekea mhanga kupata msongo wa mawazo.

Ansele Sebuka alipelekwa katika Hospitali ya wilaya ya Ukerewe kwa ajili ya matibabu na hali yake inaendelea vizuri. Jeshi la Polisi linatoa wito kwa wananchi kufuata njia sahihi za kutatua matatizo yao hususani kuwaona wataalamu wa afya ya akili ili kuepusha madhara yanayoweza kujitokeza kutokana na msongo wa mawazo na kukosa uvumilivu wa migogoro mbalimbali katika jamii.

Katika tukio jingine taarifa hiyo imeeleza kuwa Tarehe Aprili 03, 2023 majira ya saa 12:00 mchana, kuliripotiwa tukio la mauaji ya Milembe Mihayo, miaka 11, mkazi Sumaha, baada kupigwa na baba yake mzazi siku ya tarehe 27.03.2023 majira ya saa 08:00 asubuhi katika kitongoji cha Ishungi kata ya Wala Wilayani Kwimba.

Baada ya kulipotiwa kwa taarifa hiyo, Jeshi la Polisi lilifatilia kwa haraka na kufanikiwa kumkamata Mathayo Mishaka, miaka 40, Mkulima na mkazi wa kijiji cha Sumaha. Baada ya mahojiano ya kina na mtuhumiwa huyo alikiri kuhusika na mauaji ya binti yake kwa kumchapa na fimbo sehemu za mwili wake baada ya kumkuta nyumbani kwa babu yake mdogo aitwaye Dotto Masanyiwa akikokuwa ameagizwa, wakiwa bafuni na mvulana aliye kimbia baada ya kufumaniwa wakiwa wamevua nguo wakitaka kufanya mapenzi ndipo alipomkamata binti yake na kuanza kumpiga.

Milembe Mihayo aliendelea kupata maumivu makali bila kupelekwa Hospitali, ndipo baba yake huyo mzazi akamuagiza mke wake mdogo aitwaye Sofia Mashaka, Miaka 20, amkande miguu binti huyo iliyokuwa imevimba kutokana na kipigo na mama huyo alipomuuliza mmewe kuhusu tatizo hilo, alimueleza kuwa binti huyo huwa anasumbuliwa na tatizo la miguu kitendo ambacho mama huyu hakulizika nacho kwani alikuwa ameishi na binti huyo kwa muda wa mwaka mmoja bila kuona tatizo hilo.

Mwili wa Milembe Mihayo umefanyiwa uchunguzi na kukabidhiwa ndugu kwa taratibu za mazishi na mtuhumiwa atafikishwa mahakamani haraka iwezekanavyo baada ya kukamilishwa kwa upelelezi.

Jeshi la Polisi linatoa wito kwa wazazi na walezi kuacha kutoa adhabu za kikatili kwa watoto wao badalayake watumie njia sahii ya kuwaonya pindi wanapokose ili kuepusha madhara yanayoweza kujitokeza. Pia, linawaomba kuendelea kushirikiana kwa kutoa taarifa za uhalifu na wahalifu ili ziweze kufanyiwa kazi kwa haraka.
Read more »

at Tuesday, February 28, 2023 0

Mkurugenzi Mkuu wa Bodi ya Mkonge Tanzania (TSB), Saad Kambona akimkabidhi cheti mmoja wa wahitimu wa kidato cha sita katika shule ya Sekondari Coastal High School ya Jijini Tanga kulia ni Mwalimu Mkuu wa Shule ya Sekondari ya Coastal High School Andrew Gasper akifuatiwa na Makamu Mwenyekiti wa Bodi ya shule hiyo,Lulu George
Mkurugenzi Mkuu wa Bodi ya Mkonge Tanzania (TSB), Saad Kambona akizungumza wakati wa maafali ya kidato cha sita shule ya Sekondari Coastal High School ya Jijini Tanga yaliyofanyika kwenye Hotel ya CBA Jijini Tanga
Mkurugenzi Mkuu wa Bodi ya Mkonge Tanzania (TSB) ,Saad Kambona akimkabidhi cheti mmoja wa wahitimu wa kidato cha sita katika shule ya Sekondari Coastal High School ya Jijini Tanga kulia ni Mwalimu Mkuu wa Shule ya Sekondari ya Coastal High School Andrew Gasper akifuatiwa na Makamu Mwenyekiti wa Bodi ya shule hiyo,Lulu George

Na Oscar Assenga,Tanga.

SHULE ya Sekondari Coastal ya jijini Tanga,itaanza kunufaika na uwekezaji wa sekta ya mkonge baada ya Bodi ya Mkonge Tanzani (TSB) kuahidi kuiingiza katika majaribio ya klabu za vijana watakaoendelezwa.

Pia shule hiyo imeahidiwa kupewa ekari 100 kwa ajili ya kilimo cha mkonge ikiwa ni sehemu ya kuiongezea kipato .

Mkurugenzi Mkuu wa Bodi ya Mko n ge nchini,Saad Kambona alitoa ahadi hiyo wakati wa mahafali ya kuwaaga wahitimu wa kidato cha sita walioanza mtihani ya kitaifa.

Alisema bodi hiyo imeandaa programu maalumu itakayowawezesha vijana kujiinua kiuchumi kuptia kilimo cha mkonge na bidhaa zitoakanazo na zao hilo.

Alisema kama inavyofahamika Bodi ya Mkonge ni taasisi ambayo kwa muda mrefu ilikuwa ni kama imekufa sasa imeshafungua rasmi ofisi katika jengo lake na kuwezesha kuinua sekta ya mkonge kwa ujumla wake.

“Lakini tunategemea tunapokwenda mbele vijana wengi sana kutoka kwenye shule za Tanga ndiyo wahusike kwenye mpango mzima wa kuleta mapinduzi kwenye zao la mkonge kwani sasa hivi tunapozungumzia mkonge tunazungumzia bidhaa moja tu ya nyuzi za mkonge zitengeneze vikapu, makapeti, magunia, kamba na bidhaa nyingine zitokanazo na zao hilo ,lakini kuna bidhaa nyingti zinahitajika kama sukari,mbolea mvinyo na hata vyakula vya kunenepesha mifugo” alisema Kambona

Mkuu wa shule hiyo,Joseph Gaspar alisema ilianza rasmi mwaka 2000 na kwamba kwa miaka mitatu mfululizo imekuwa ikitoa ufaulu wa daraja la kwanza A na pili kwa wanafunzi wote wa kidato cha sita wote katik a mitihani ya kitaifa ya mchepuo wa sayansi.

“Hadi sasa shule hii imetimiza miaka 22 lakini kwa kipindi cha miaka miatatu mfululizo i mekuwa ikitoa wanafunzi wenye ufaulu wa daraja la kwanza na la pili katika mitihani ya kitaifa ya kidato cha sita...tunatarajia mitihani hii ufaulu utakuwa wajuu zaidi”alisema Gasper.

Makamu mwenyekiti wa Bodi ya shule hiyo,Lulu George alisema kuwa miongoni mwa mambo yanayotiliwa mkazo ni masomo ya sayansi wakiamini kuwa jukumu lao ni kupata wataalamu watakaoiendeleza nchi katika sekta ya uhandisi,udaktari na utafiti mbalimbali ikiwamo sekta ya kilimo na ufugaji.
Read more »

at Wednesday, August 03, 2022 0
Waziri Mkuu, Kassim Majaliwa akizungumza wakati alipofungua Kongamano la Nne la Kimataifa la Nishati Tanzania kwenye Kituo cha Mikutano cha Kimataifa cha Julius Nyerere mkoani Dar es salaam, Agost 3, 2022.
Waziri Mkuu, Kassim Majaliwa akitazama chombo kinachoonyesha ramani ya kiwanda cha kuchakata gesi asilia kinachotarajiwa kujengwa mkoani Lindi wakati alipotembelea banda la makampuni ya Shell na Equinor baada ya kufungua Kongamano la Nne la Kimataifa la Nishati Tanzania kwenye Kituo cha Mikutano cha Kimataifa cha Julius Nyerere mkoani Dar es salaam, Agost 3, 2022. Kulia ni Makamu wa Rais na Meneja wa Kampuni ya Uquinor nchini, Unni Merethe Fjaer na katikati ni Makamu wa Rais na Mwenyekiti wa Kampuni ya Shell nchini, Jared Kuehi.
Waziri Mkuu, Kassim Majaliwa akizungumza na Waziri wa Nishati, January Makamba katika Kongamano la Nne la Kimataifa la Nishati Tanzania alilolifungua kwenye Kituo cha Mikutano cha Kimataifa cha Julius Nyerere mkoani Dar es salaam, Agost 3, 2022
Baadhi ya washiriki wa Kongamano la Nne la Kimataifa la Nishati Tanzania wakimsikiliza Waziri Mkuu, Kassim Majaliwa wakati alipofungua kongamano hilo kwenye Kituo cha Mikutano cha Kimataifa cha Julius Nyerere mkoani Dar es salaam, Agost 3, 2022.


Waziri wa Nishati, Januari Makamba akizungumza kabla ya Waziri Mkuu kufungua Kongamano la Nne la Kimataifa la Nishati Tanzania kwenye Kituo cha Mikutano cha Kimataifa cha Julius Nyerere mkoani Dar es salaam, Agost 3, 2022.

WAZIRI MKUU Kassim Majaliwa amezindua mradi wa Building a Better Tomorrow (BBT) unaolenga kuongeza ushiriki wa vijana katika kilimo kwa kuwapatia mafunzo, maeneo ya mashamba, mitaji na kuwaunganisha na fursa za masoko.
 
“Vijana wetu fursa ni nyingi nchini kwetu, sekta ya kilimo inabeba fursa zaidi ya asilimia 50, kitendo cha wizara kuzindua mpango mkakati wa vijana kuingia kwenye sekta ya kilimo ni mpango unaolenga kuboresha uchumi wa mto mmoja mmoja kuanzia umri wa vijana.”
 
Mheshimiwa Majaliwa amezindua mradi huo wa Program ya Ajira kwa Vijana kupitia Sekta ya Kilimo leo (Jumatano, Agosti 3, 2022) katika maonesho ya siku kuu ya wakulima Nane Nane yanayofanyika kwenye Viwanja vya John Mwakangale Jijini Mbeya.  

Pia, Waziri Mkuu amewataka vijana wachangamkie fursa zilizopo katika mradi huo ikiwa ni pamoja na kujihusisha na kilimo cha mazao mbalimbali ili waweze kujikwamua kiuchumi.

Awali, Naibu Waziri wa Kilimo, Anthony Mavunde alisema programu hiyo itakayowahusisha vijana wa nchi nzima itaanzania na mkoa wa Dodoma na Mbeya kwa ajili ya majaribio na wametenga ekari 69,000.

Alisema maeneo hayo yataandaliwa na kusafishwa na Serikali kabla ya kuwapatia vijana. “Pia vijana watapatiwa pembejeo na kuweka mifumo mizuri ya umwagiliaji, lengo ni kutengeneza ajira zaidi ya milioni tatu.”
Read more »

at Monday, June 20, 2022 0
Njombe
WAKAZI zoezi la uchaguzi mkuu ndani ya Chama cha Mpainduzi (CCM ) ukiendelea kwa ngazi mbalimbali za jumuiya na Chama nchini,Jumuiya ya moja wa wanawake (UWT) imewataka wanawake kuacha mitafaruku na mifarakano baada ya uchaguzi huo.

Agizo hilo limetolewa na mwenyekiti wa UWT Taifa na mjumbe wa kamati kuu Bi.Gaudentia Kabaka wakati akizungumza na wanawake mkoani Njombe alipofanya ziara ya kikazi na kwamba kumekuwapo na viashiria vya mifarakano baina yao ndani ya Chama.

“Tusiwe tumesambaratishana,tumenuniana,tumekosana na tumeachana njioa kuelekea 2025.Kwasababu UWT ni jeshi kubwa hatuwezi kusambaratishana halafu tukaja kushinda”alisema Kabaka

Awali mwenyekiti wa UWT mkoa wa Njombe Scolastika Kevela amesema UWT Mkoa wa Njombe ipo imara katika kuhakikisha jumuiya hiyo na Chama kwa ujumla kinasonga mbele.

“Jumuiya yeti kuna utulhvu na ukiona utulivu huy ujue kuna mwenyewe niwahakikishie kuwa jumuiya yetu tunapendana na kushirikiana huku tukiongozwa na jemedari wetu mkuu mama Samia suluhu Hassan

Katibu wa Chama cha Mapinduzi CCM mkoa wa Njombe Ndugu Abdulah Hassan Mwinyi anasema kwa sasa Chama kimesimamisha zoezi la kuwasajili wanachama wapya hadi uchaguzi wa ndani ya Chama utakapokwisha huku Akishindwa kujizuia kueleza mazuri anayoyafanya Rais Samia Suluhu Hassan.

Katibu tawala mkoa wa Njombe Bi.Judica Omary anasema serikali na Chama tawala vina mashirikiano makubwa na ya karibu katika kutekeleza Ilani ya uchaguzi mkuu huku mkuu wa wilaya ya Njombe Kissa Kasongwa kwa niaba ya mkuu wa mkoa akikiri kuwapo kwa hatua kubwa za maendeleo yanayopigwa mkoani hapo pamoja na kutekeleza kwa kiwango kikubwa maelekezo ya serikali.
Mwenyekiti wa UWT mkoa wa Njombe akizungumza wakati wa kumpokea na kumakaribisha mwenyekiti wao wa UWT taifa bi .Gaudentia Kabaka alipofika mkoani Njombe kwa Zara ya kikazi.
Mwenyekiti wa UWT taifa Gaudentia Kabaka akita amepokea tuzo kwa ajili ya Rais Samia iliyotolewa na waanwake wa mkoa wa Njombe.
Mwenyekiti wa UWT akikagua vikundi via wajasiriamali alipofika katika mkoa wa Njombe kwenye uwanja wa ukumbi wa TURBO mini Njombe alipotembelea mkoani humo kwa ajili ya Zara ya kikazi.
Read more »

at Monday, May 24, 2021 0

Waziri wa Elimu, Sayansi na Teknolojia, Profesa Joyce Ndalichako akizungumza na wadau pamoja na waandaji wa wiki ya Ubunifu wakati wa kilele cha wiki hiyo kilichofanyika leo, Mei 22, 2021 Jijini Dar es Salaam
Waziri wa Elimu, Sayansi na Teknolojia, Profesa Joyce Ndalichako, akikata keki pamoja na waandaji mbali mbali  na wa wiki ya Ubunifu wakati wa kilele cha wiki hiyo kilichofanyika leo, Mei 22, 2021 Jijini Dar es Salaam
Muwakilishi Mkazi kutoka Shirika la Maendeleo la Umoja wa Mataifa ( UNDP), christine Musisi akizungumza wakati wa kufungwa kwa wiki ya ubunifu,  Mei 22, 2021 jijini Dar es Salaam.
Mkurugenzi Mkaazi wa Mfuko wa Maendeleo ya watu (HDIF) , Joseph Manirakiza ( Kushoto), akikabidhi hundi ya Sh. milioni moja kwa  kundi la  innovation Plus kutoka NMB kama zawadi ya bunifu yao.

SERIKALI imesema imejidhatiti katika kuendelea kuboresha sera, miongozo na mazingira kwa ajili ya kuruhusu shughuli za kibunifu kufanyika katika mazingira ya kiushindani na kukua zaidi.

Waziri wa Elimu, Sayansi na Teknolojia, Profesa Joyce Ndalichako, ameyasema hayo leo Mei 22, 2021jijini Dar es Salaam wakati akifunga wiki ya ubunifu.

Amesema maboresho hayo yatalenga katika maeneo ya ushindani, ulinzi kwa wabunifu wenyewe, usajili, ulinzi katika kazi za wabunifu pamoja na masuala ya ujuzi.

Maeneo mengine ambayo amesema wanatarajia kufanyia maboresho ni katika kuhakikisha kwamba wabunifu wanapata kipato kupitia kazi zao za kibunifu hususani kwa kushirikisha na sekta binafsi kuwekeza katika kukuza sekta hiyo na kuzitumia kwenye viwanda.

Amesema kufanya hivyo kutasaidia sekta hiyo ya ubunifu kukua zaidi na kutumia teknolojia ya kidijitali katika soko la ushindani.

Ameongeza kuwa,  Wizara yake imejipanga kuhakikisha kwamba masuala ya kidijitali yanaunganishwa kwenye mitaala katika viwango vyote vya elimu kuanzia shule za msingi mpaka vyuo vikuu.

"Hii itatusaidia kutoa wahitimu wenye uwezo wa kuajilika, wenye uwezo wa kushindana katika mabadiliko haya ya teknolojia ya kidijitali." Alisema Profesa Ndalichako.

Ameendelea kusema kuwa, Serikali imedhamiria kuendeleza bunifu kwa kuziorodhesha, kuzitambua na kusaidia wabunifu katika nyanja zote. 

Kwa upande wake Mwakilishi Mkazi kutoka Shirika la Maendeleo la Umoja wa Mataifa (UNDP), Christine Mususi, alisema tayari wamezindua mpango mpya unaojulikana kama Fagio utakaoendelea katika kuendesha shughuli za ubunifu kwa kushirikiana katika kuwawezesha wabunifu kiuchumi.

Mpango huo mpya utafanyika kwa kushirikiana kati ya UNDP, Umoja wa Ulaya (EU), British High Commission, HDIF pamoja na Wizara ya Elimu, Sayansi na Teknolojia.

Kwa upande wake, Mkurugenzi Mkazi wa Mfuko wa Maendeleo kwa Watu (HDIF), Joseph Manirakiza, amesema bado kunahitajika nguvu ya pamoja kuendeleza shughuli za ubunifu nchini hususani katika eneo la uwezeshaji kiuchumi, kuwajengea uwezo wabunifu na kuboresha sera kwa ajili ya kuweka mazingira mazuri kwa wabunifu ili wanufaike na kazi zao. 

"Na HDIF inasaidia katika maeneo matatu ikiwamo uwezeshaji kifedha, usaidizi wa kiufundi katika miradi ya kibunifu kwenye masuala ya afya na elimu kwa baadhi yao."Alisema Manirakiza. 

Read more »

at Tuesday, October 20, 2020 0

Na Muhidin Amri,
Tunduru

WAKAZI wa kijiji cha Milonde kata ya Matemanga wilayani Tunduru, wameishukuru serikali kwa kukamilisha mradi mkubwa wa maji ulioanza kutekelezwa tangu mwaka 2012 ambao umesaidia kumaliza kero ya muda mrefu ya maji safi na salama.

Habibi Kassim na Rehema Awadhi wamesema, hapo awali walilazimika kuamka kati ya saa 10 na 11 alfajiri kwenda kutafuta maji katika vyanzo visivyo rasmi huku wakati mwingine wakikutana na wanyama wakali wakiwemo Tembo na Nguruwe pori.

Asema,kukamilika kwa mradi huo ni faraja kubwa kwao kwa sababu mbali na kumaliza kero ya muda mrefu pia utachochea maendeleo ya wananchi wa kijiji hicho na kata mzima ya Matemanga.

Naye Rehema Awadhi ambaye ni mwanafunzi wa shule ya msingi Milonde alisema, siku za nyuma walilazimika kwenda shule wakiwa wachafu kutokana na kukosekana kwa maji ambapo ameishukuru serikali kukamilisha mradi wa maji Milonde.

Hata hivyo,ameiomba wakala wa maji na usafi wa mazingira vijijini (Ruwasa)kuongeza vituo vya kuchotea maji katika hicho ili kupunguza kero kwa watu kutumia muda mrefu kwenye vituo vilivyopo kwa ajili ya kupata huduma ya maji.

Alisema, licha ya serikali kukamilisha ujenzi wa mradi wa maji ulioanza kujengwa miaka 12 iliyopita,hata hivyo bado kuna changamoto ya wananchi kukaa muda mrefu katika vituo vya kuchotea maji.

Amesema, vituo saba vilivyopo havitoshi jambo linalo sababisha watu kukaa kwa muda mrefu na wakati mwingine kutokea kwa vurugu ya kugombea maji na hata kupoteza muda wa kufanya shughuli nyingine za maendeleo.

Ameongeza kuwa,ipo haja kwa Ruwasa kuhakikisha vituo vya kuchotea maji vinaongezwa kwani katika kijiji hicho kuna idadi kubwa ya watu ikilinganisha na vituo vilivyojengwa.

Kwa upande wake meneja wa wakala wa maji vijijini na mijini(Ruwasa)wilaya ya Tunduru Primy Damas alisema, vituo vilivyojengwa kwa ajili ya kuchotea maji katika kijiji cha Milonde ni 12 ambapo kwa sasa vinavyofanya kazi ni 7.

Kwa mujibu wake,hali hiyo imetokana na kushindwa kupata kibali cha kupitisha mabomba kutoka kwenye tanki kwenda katika vituo vya kuchotea maji kutoka kwa wakala wa barabara Tanroad, kwani miundombinu ya mradi huo ni lazima ipite katikati ya barabara .

Aidha alisema, mradi wa maji Milonde umetengewa kiasi cha shilingi milioni 215,212,257.13 na hadi sasa fedha zilizotumika ni shilingi milioni 72,388,633.64 ambapo mradi huo umekusudia kuhudumia wananchi zaidi ya 3,000.

Alisema, mradi huo umegharamiwa na Serikali kuu kupitia wizara ya maji na kutekelezwa ma Wakala wa maji na usafi wa mazingira vijijini(Ruwasa) wilaya ya Tunduru kwa kutumia njia ya force Account ambapo pia wananchi wanachangia nguvu zao kwa kushiriki shughuli za ujenzi.

Mkurugenzi wa Ununuzi na Ugavi wa wizara ya maji Dkt Christopher Nditi katikati akimsikiliza meneja wa wakala wa maji vijijini Ruwasa wilaya ya Tunduru Primy Damas wa kwanza kulia kuhusu ujenzi wa mradi wa maji Milonde kata ya Matemanga ambao umefikia asilimia 90 na unatarajiwa kuhudumia zaidi ya wakazi 3000 wa vijiji vinne vya Milonde,Matemanga,Jaribuni na Changarawe kwa gharama ya zaidi ya milioni 111.
 

Mkurugenzi wa Ununuzi na Ugavi wa wizara ya maji Dkt Christopher Nditi wa pili kulia akishuhudia mwanafunzi wa darasa la sita shule ya msingi Milonde wilayani Tunduru Rehema Awadhi akichota maji katika moja ya kituo baada ya kukamilika kwa ujenzi wa mradi wa maji Milonde ambao ulianza kutekelezwa miaka 12 iliyopita,katikati meneja wa Ruwasa wilaya ya Tunduru Primy Damas na wa kwanza kulia mmoja wa wakazi wa kijiji hicho Habibi Kassim.

Read more »

at Friday, December 20, 2019 0
Waziri wa Afya, Maendeleo ya Jamii, Jinsia, Wazee na Watoto Ummy Mwalimu akizungumza nawataalam wa Afya na Maendeleo ya Jamii mkoa wa Katavi wakati wa ziara yake mkaoni humo kujionea shughuli za Afya na Maendeleo ya Jamii.
Mwakilishi wa Mkuu wa Mkoa wa Katavi ambaye ni Mkuu wa Wilaya ya Mpanda Mhe. Lilian Matinga akisoma taarifa ya mkoa kuhusu Sekta ya Afya na Maendeleo ya Jamii kwa Waziri anayesimamia Sekta hizo Ummy Mwalimu wakati wa ziara yake mkaoni humo kujionea shughuli za Afya
na Maendeleo ya Jamii. Picha zote na Kitengo cha Mawasiliano Serikalini WAMJW

**************************************

Na Mwandishi Wetu Katavi

Mkoa wa Katavi umeiomba Wizara ya Afya, Maendeleo ya Jamii, Jinsia, Wazee na Watoto kuratibu ufanywaji wa tafiti mpya kuhusu hali ya mimba na ndoa za utotoni mkoani humo ambapo kwa tafiti
zilizopo una asilimia 45 ya mimba na ndoa na mimba za utotoni.

Mwakilishi wa Mkuu wa Mkoa wa Katavi ambaye ni Mkuu wa Wilaya ya Mpanda Mhe. Lilian Matinga ameyasema hayo leo mkoani Katavi wakati wa ziara ya Waziri wa Afya, Maendeleo ya Jamii, Jinsia,Wazee na Watoto Ummy Mwalimu alipotembelea mkoani humo kujionea shughuli za Afya na
Maendeleo ya Jamii.

Mhe. Lilian Matinga amesema kuwa tatizo la mimba na ndoa za utotoni bado ni changamoto mkoani humo na limekuwa likichangiwa na wanajamii kwa kuwaozesha watoto wakiwa bado shuleni.

"Niseme bado mkoani kwetu kuna tatizo la ndoa na mimba za utotoni na ukiangalia watoto wengi wanaolewa na wazee wa miaka 50 na zaidi" alisema Mhe. Lilian.

Ameongeza kuwa Mkoani unaendeleza jitihada za Wizara katika kuhakikisha tatizo la ndoa na mimba za utotoni linapatiwa ufumbuzi wa kudumu kwani limekuwa likikatisha ndoto za watoto wengi wa kike
kupata elimu.

Aidha ameishukuru Serikali ya Awamu ya Tano chini ya Rais wa Jamhuri ya Muungano wa Tanzania Mhe.Dkt. John Pombe Magufuli kwa kuweka msisitizo kwa jamii katika mapambano dhidi ya mimba na ndoa
za utotoni nchini.

Akijibu ombi hilo Waziri wa Afya, Maendeleo ya Jamii, Jinsia, Wazee na Watoto Ummy Mwalimu amesema kuwa Wizara kwa mwaka 2020 itaratibu tafiti ya jumla kuhusu tatizo la mimba na ndoa za utotoni na kusisitiza Maafisa Maendeleo ya Jamii kuratibu ukusanyaji wa taarifa za mimba na ndoa za utotoni na kupata picha kamili ya mafanikio ya mapambano hayo.

" Tutashirikiana na Ofisi ya Taifa ya Takwimu kufanya tafiti ili tujue tumefikia wapi na kwa asilimia ngapi katika kuondokana na tatizo la ndoa na mimba za utotoni nchini" alisema Waziri Ummy.

Pia Waziri Ummy amewataka wakuu wa shule za Misingi na Sekondari kuhakikisha wanakusanya taarifa za wanafunzi wa kike wanaoacha masomo kwa sababu za mimba na kuolewa na kuhakikisha
zinawasilishwa kwa Kamishna wa elimu.
Read more »
Older Posts
Subscribe to: Posts (Atom)